舞台劇 - 神扒之間

一早advanced booking買左飛既舞台劇 - 神扒之間有得睇喇,
今次既腳係Rebecca, 佢平時都睇好多舞台劇, 所以一問佢就OK陪我睇喇.
(都明既, 冇乜邊個對鄧健泓既performance會有興趣.....)
張飛既位置都好好呀, eye level睇得舒服, 成個劇係兩個半鐘冇中場休息.
P.S. 今日SirV樂隊既成員全部都有黎, 同埋我仲見到Gary哥哥添.

先講講其中一個女主角, 就係o係春嬌與志明入面做Brenda既林兆霞,
佢真係..... 非常難頂.... 只可以話佢好入型入格囉....
鄧健泓今次可以發揮既地方冇之前《獨坐婚姻介紹所》同《大酒店有個荷李活》咁多,
最印象深刻係條Tight pant現代褲, 完全係展現於人前, 好大犧牲!!
完場之後, 同Rebecca去左後台出口等鄧健泓, 傾左幾句影左相,
我仍然覺得自己好似返左去細個等球星咁, 一見到偶像, 條脷打晒結咁.
不過都好開心, 因為我覺得佢係認得我既, 哈哈!!!

~~~~~~~~~~~~~~~~~~~~~~

熱鬥細運會

搞左成個月既Facebook Campaign熱鬥細運會終於今日舉行左.
嚴格黎講第一次由頭到尾去做一個program, 仲要一黎就係event喎!
講真真係手騰腳震, 初出道未做過program架嘛我...
自問覺得唔係好achieve當初既target, 不過anyway都叫做完成到,
最緊要老細都OK滿意, 一額汗架大佬....

成個event都好似大學Ocamp咁, D參賽者基本上全部都係大學生,
佢地真係熱血到飛起, 想當年自己讀U都好似佢地咁喪!
而大會司儀阿Bob做得好好, 全程hyper搞笑之外, 仲要好清晰咁指揮到D helper,
而且D突發事件呀, 臨時既空檔時間都handle得好smooth, 俾佢五粒星.
嘉賓糖妹都OK落力啦, 不過佢真係超級細粒, 打風唔行得出街o個隻.

~~~~~~~~~~~~~~~~~~~~~~~~~~~~~~~~~~~~~
話說早前陳慧敏話俾我地知五月天高雄演唱會既連機票酒店package出左,
咁我地就拿拿聲睇下點Book啦, o係完全對高雄係零idea既情況下,
要o係佢個酒店list度揀top5 priority去book真係有難度,
一, 唔知演員會個場地近個捷運站, 二, 唔知o個D酒店係咩價位咩位置,
三, 唔知我地會o係高雄留幾多晚, 因為都唔知有咩好玩.......
咩都唔知, 都要好快手咁send個預訂form過去啦, 手快有手慢冇嘛,
實在唔想買黃牛囉, 咁貴, 仲要我岩岩先買左貴飛睇黃子華, 好肉赤....
過左幾日, 今日終於收到email話我地個booking confirm左喇!
真係開心到彈起!!!!! 好開心呀!!!!!!
~~~~~~~~~~~~~~~~~~~~~~~~~~~~~~~~~~~~~