手, 面, 與手寫板

早兩日, ray塊手寫板壞左, 叫我幫佢報fault,咁我打上helpdesk啦,

之後好快IBM已經有同事follow up call, 以下就係我地既妙問妙答(節錄):

IBM：「嗰塊係大板定細板？」

(我都唔用手寫板既, 乜有大細之分架咩)我：「點為之大？點為之細？」

IBM：「細就好似你手掌咁細，大就好似你塊面咁大。」

我：「....... 哈哈哈哈, 你等等, 我去望下先...」

我去到ray張檯一睇, 果然係好大塊呀下 (應該大過我塊面喎)

~~~~~~~~~~~~~~~~

聽日就係今季甲組last一場比賽, 當然要去捧下場啦.

打俾阿祺拎飛, 連佢都忍唔住串下我：「點呀你塊面大D, 定塊手寫板大D呀?」

希望公民會贏啦, 聽日支持公民.

本身諗住場波改左去星期日踢(原來係星期六), 可以約erica去睇波啦,

點知佢要做伴娘黎唔到, 唯有下季先可以約佢睇波lu

~~~~~~~~~~~~~~~~

好開心有vendor俾左五月天演唱會飛我地呀!!!

雖然我唔熟五月天既歌, 不過一早聽聞佢地既演唱會好好氣氛, 好好睇,

所以我都好期待, 呢幾日喪煲佢地既歌呢.

~~~~~~~~~~~~~~~~

葉問2

尋晚捱眼訓睇歐聯, 一早都話國米得架喇.

(我平時唔like國米架, 不過見佢係意大利球隊, 先o係歐洲賽支持佢一場咁大把)

睇完都四點幾五點, 訓到八點幾又起身, 因為要睇早場 - 登登登櫈 - 葉問2

冇錯, 我終於都去睇葉問2喇.... 都好睇, 不過第一集好睇D.

同埋我想講, 黃曉明好靚仔!!! 哈哈.

當我仲沉醉於靚仔既時候, 夜晚睇Now居然有兩套新戲播喎,

第一套係同門, 有我喜愛既余文樂.

第二套係神鎗手, 有我喜愛既陳冠希同埋登登登櫈 - 黃曉明.

~~~~~~~~~~~~~~

有人失蹤左兩日, 我好似真係有D若有所失咁添...

尋晚四點幾終於浦頭打黎喇, 先覺得舒服D咋.

~~~~~~~~~~~~~~

不愉快的對話

freeze左一個月既對話, 始終都要重新展開,

一如所料, 是次對話非常不愉快(at least我覺得)...

我講出一D冷言冷語, 其實我都唔好受,

只係希望將我既立場表示清楚, 唔好以為講番野等如冇事,

我地既對話將會限於"正經事", 其他一切廢話唔該慳番.

以往既事唔可能再發生, 因為今日既我已經冇晒包容.

~~~~~~~~~~~~~~~

尋晚同班小學同學出黎食飯, 因為Hody派帖呢!

其實我地成班同學仔, 都相隔左好多年冇乜見面, 係上次劉民結婚, 先再聚番埋一齊.

希望以後我地都可以keep住出黎gathering啦.

~~~~~~~~~~~~~~~

足總盃準決賽

點解咁快又到星期一架....

岩岩過左既星期日去左大球場睇波, 係足總盃準決賽, 流浪vs公民, 飛馬vs大埔.

頭場流浪本來領先一球架, 點知上半場補時俾公民追番,

下半場兩隊都攻唔入, 仲諗住要睇加時啦, 點知89分鐘俾公民入波喎...

搞錯呀, 等我仲話公民興臨完場失波, 佢地今日就表演臨完場入波過我睇.... 仲要兩次!

好可惡呀下, 想你贏o個時就輸, 想你輸o個時就贏!!

同埋.... 我睇咁多場流浪比賽, 係未贏過囉....

另外, 尾場睇左半場就走喇, 最終飛馬贏3:1, 大埔抵死!

~~~~~~~~~~~~~~~~~~~

尾場半場o個時, 將個iphone靚靚網殼俾左阿俊喇, 咁橋佢個殼爛左, 岩晒啦.

carol今日send左條link俾我睇, 原來apple store賣呢USD29.95, 係USD呀.

睇真D, 確係一模一樣架喎, 覺得自己好叻呀, 哈哈.

http://store.apple.com/us/product/H0315ZM/A?fnode=MTY1NDA0NA&mco=MTY3ODAxNjA&s=newest

~~~~~~~~~~~~~~~~~~~

舊同事gathering

今日係阿Wing同事結婚既大喜日子, 真係戥佢開心呀!

~~~~~~~~~~~~~~~~~

上星期五約左Jardines既舊同事出黎食飯飲野,

有sharon, florence同埋april., 我地呢班同期上次出黎食飯都唔知係幾時lu,

初初真係有少少搭唔到嗲, 因為我已經離開airlines太耐喇,

加上sharon同april已經轉左做crew, florence又係做crew related既野, 我都唔係好識.

不過好快已經可以融入番喇, 佢地講起飛o個時D趣事真係笑爆咀.

我地dinner食和花亭, florence提起上次既gathering又係和花亭囉, 哈哈... 好似整定咁.

食完飯去飲野, 去左棉登徑一間唔記得名既bar, 環境幾好呀,

飲飲下佢地話要轉場, 想去某人o個間, 點知又俾人包左場, 去唔到,

最後去左另一間叫做where既, 都幾好, 不過florence同april杯cocktail就麻麻地.

飲到兩點幾先搭的士返屋企, 好耐冇試過咁盡興喇!!

~~~~~~~~~~~~~~~~~

放過我

今日o係屋企, 好狠咁delete晒PC入面同佢有關既file, 係shift-delete.

跟手拎我平時用黎做backup既usb手指出黎, delete埋D backup.

開埋本netbook, 有咩滄海遺珠, 搜晒出黎, 全部shift-delete.

真係冇喇, 唔會搵得番, 咩都唔留低.

的確, 係delete晒呢D唔想見到, 甚至唔想承認曾經存在既野,

但係可唔可以delete埋我唔想記起既過去?

可唔可以delete埋身邊其他人對於我同佢之間有"連繫"既諗法?

我真係想放低, 可唔可以唔好問我點解你地呢排冇傾電話?

點解你地呢排冇約出街呀? 我唔識答呀!!! 可唔可以唔好問...

~~~~~~~~~~~~~~~~

今日心情唔好, 燥底, 唔想講野.

點解要o係我決心走既時候, 先黎問我係唔係嬲左你?

我都唔知話你後知後覺好, 定係我過去兩年對你太好, 你根本唔會覺得我會嬲你.

anyway, 起碼印證左"我死左你係唔會知"既事實.

我對你, 已經唔係嬲唔嬲既問題, 係死心喇, 你放過我啦, 好嗎?

~~~~~~~~~~~~~~~~

活得好

今日同carol, celia去左上excel - mastering pivot table既training,

最開心可以避過左一個長命meeting呢, 真係夾都冇咁橋.

今日學既野我地都想學左好耐喇, 真係好有用呀, 忽然覺得自己excel勁左好多!

~~~~~~~~~~~~~~~~~~~~~

宜家既我, 生活過得好好, 最起碼係開心.

最多隔一日, 都會有一個鐘頭佢係屬於我, 每晚都有人會諗起我,

我遲少少開電腦都會打黎問我去左邊,

傾電話唔駛原因, 唔駛有目的, 唔駛鋪排D乜野...

就當我膚淺, 呢D真係令我覺得舒服.

~~~~~~~~~~~~~~~~~~~~~~

倒帶

最近睡眠質素麻麻, 不過好彩精神都仲ok.

有D人有D事, 放低左之後真係輕鬆好多,

唔駛再等, 唔駛再有期望, 唔駛再失望....

好後悔做咩要咁難為自己, 一早應該要退後一步清醒一下,

好多好多人都已經同我講過叫我唔好傻, 係自己唔聽,

宜家自己忽然醒覺, 真係覺得自己好徙時間.

~~~~~~~~~~~~~~~~~~~~

倒帶 - 蔡依琳

我受夠了等待　你所謂的安排
說的未來到底多久才來
總是要來不及　才知道我可愛
我想依賴而你卻都不在
應該開心的地帶　你給的全是空白
一個人假日發呆　找不到人陪我看海
我在幸福的門外　卻一直都進不來
你累積給的傷害　我是真的很難釋懷

終於看開愛回不來　而你總是太晚明白
最後才把話說開　哭著求我留下來
終於看開愛回不來　我們面前太多阻礙
你的手卻放不開　寧願沒出息求我別離開

你總是要我乖　慢慢計劃將來
我的眼淚卻一直掉下來
過去怎麼交代　你該給的信賴
被你親手緩緩推入懸崖
從我臉上的蒼白　看到記憶慢下來
過去甜蜜在倒帶　只是感覺已經不在
而我對你的期待　被你一次次摔壞
已經碎成太多塊　要怎麼拼湊跟重來

終於看開愛回不來　而你總是太晚明白
最後才把話說開　哭著求我留下來
終於看開愛回不來　我們面前太多阻礙
你的手卻放不開　寧願沒出息求我別離開
~~~~~~~~~~~~~~~~~~~~~

羅志祥舞法舞天3D立體世界巡迴演唱會

期待已久既小豬演唱會終於來到喇.... 興奮度係爆晒標!!

好多謝celia幫我買飛呀, 個位好正中, 成個台睇晒, 好good!!

比起佢第一次o係香港既Show on Stage, 今次個視覺效果明顯強左好多,

衣著好浮誇下, 有D broadway既感覺, 我like呀, 不過vivi唔like, 哈哈.

佢既performance真係堅正, 快歌as expected好掂, 慢歌都好好氣氛,

最搞笑係佢幾首慢歌都忘詞, 佢自己都忍唔住笑, 哈哈.

我聽個friend講, 佢尋日第一場有第二次encore, 出黎清唱左一段生理時鐘,

所以今日encore完第一次之後, 打死都唔走呀,

果然真係出多黎一次, 佢唱當我們宅一塊, 仲要唔係清唱, 好賺呀覺得!!!

成個show我最like就係愛的主場秀o個段, D laser勁靚,

完show之後, 我累到爆炸, 失左聲同埋雙手酸軟, 不過十分十分滿足!!

我愛我愛我愛死小豬呀!!!!

~~~~~~~~~~~~~~~~~

睇concert之前, 去左深水埗睇波,

今季應該都睇左五六場流浪既比賽, well, 次次都係1:1, 邪爆.

~~~~~~~~~~~~~~~~~~