五月天[就是]演唱會

期待已久既五月天演唱終於都黎喇, 

話說上年我係意外地得到五月天既演唱會飛, 先開始真正去download佢地D歌聽下, 

就係因為呢個concert我就愛上左五月天喇, 

事隔一年, 佢地D歌大部份都煲到熟晒(亦因為佢地成年都冇新歌既關係啦...), 

晏晝我地仲特登約出黎唱K, 喪點五月天, 我都係第一次睇咁多佢地既MV. 

~~~~~~~~~~~~~~~~~~~~~ 

上年坐山頂已經感受到佢地既威力, 今次坐$780飛就更加high, 

一開show已經全部人進入狀態, 起晒身跳晒咁, 

中間有一段係唱佢地作俾其他人既歌, 呢part我真係投降, 因為實在係唔識.... 

不過我最like既歌佢地都有唱晒, 好滿足, 

同埋我部相機基本上唔係好影到, 不過志在紀錄一下, 都影到一張好like既:

 

佢地個backdrop係五個大screen, 簡單得黎幾靚:

 

8:30到開show, 12:00完場, 真係抵晒!!! 

~~~~~~~~~~~~~~~~~~~ 

宜家期待緊小豬, 不過今日打爆個hotline同勁上網都買唔到飛, 

沮喪到極點, 仲要宜家BEA唔俾D staff內部訂購, 識人都冇用, 十個灰呀!!! 

岩岩知道會加場, 不過都冇乜信心買到..... 嗚嗚.... 

~~~~~~~~~~~~~~~~~~~~

Mute

尋日同heidi食farewell lunch, 阿聰都有黎, 

明明我地出門口早過佢架, 點知佢仲早過我, o係味竹門口等緊我地lu. 

呢間野我不嬲都唔like, 不過主角唔係我, 當然我冇意見啦, 

不過D野真係麻麻地好食, 加上我真係唔鐘意燒呢D牛肉, 一來我覺得熱好慶, 二來冇咁好心機. 

所以去親呢度我都唔會幫手燒, 哈哈勁衰. 

~~~~~~~~~~~~~~~~~~~~~~~ 

今日有人打黎問我D好好笑既野:

X: 我個電話唔知做咩唔識響喎

我: 唔響? 咪搞大聲D囉(我以為佢講公司檯頭個電話)

X: 都係唔響喎

我: 佢係突然間唔響, 定係不嬲都唔響架?

X: 其實都兩日架喇, 咪o個日你教我禁左個唔響唔震既制之後, 就唔響喇.

我: (乜原來係講部iPhone呀?) 會唔會o係settings o個度校左D野呀? 你去設定 - 聲音睇下.

X: 藍色係開丫嘛

我: 係呀, 咁都唔響? 冇奶油架喎...... 咪住, 你會唔會係拍左個mute制?

X: 邊個係mute制?

我: 側邊+/-制上面, 如果紅色左就係mute左架喇.

X: 你唔早講.... 唔怪得Francis Yuen話我成日都唔聽電話啦, 但係明明冇響過架喎.

我: 我唔知會有人唔識架喎

X: 你試下行出去問下D人識唔識...

我: 我未見過有人唔識囉.(已經笑到訓低左)

我: 咁你平時開會咁點呀?

X: 我一返到公司就會將D聲校到最細冇聲囉

我: 逐下逐下禁到冇聲呀? 辛苦晒你喎... 我會將你呢件事話俾所有人聽架喇.

X: 咁你睇下我仲啋唔啋你

我: 一係我唔講o個個人係你囉, 不過我會話o個個人其實你地都識既

X: 係喇, 同埋宜家已經唔o係呢度架喇,

我: 同埋尋日食飯佢都o係度架.

(繼續笑到死左)

拿我冇開名架, 自己估. 

~~~~~~~~~~~~~~~~~~~~~ 

好期待睇五月天呀!!! 又好期待睇孫耀威, 更加十級期待睇小豬小豬小豬!!!! 

~~~~~~~~~~~~~~~~~~~~~

豪豬紀念賽 + 電車夜攝

球圈為豪豬搞左兩次紀念賽, 一次係麥花臣(5/5), 一次係修頓(8/5). 

我兩場都有去, 不過第二場o係修頓我就冇stay到最後, 因為母親節去同媽咪慶祝. 

兩場波都有好多豪豬既舊隊友出席, 幾乎你記得你up得出既球員都有黎,

 

我覺得豪豬都有坐o係度睇既, 話唔定有份落場指手劃腳都唔定. 

~~~~~~~~~~~~~~~~~~~~~~~~~~ 

母親節我唔駛錢都俾到個surprise媽咪, 就係compass facebook有個campaign, 

o係個wall度寫D祝賀母親節既語句, 就有機會o係灣仔海旁samsung廣告版度show出黎, 

點知我中左喎, 早知唔好寫得咁hea啦...... 

當晚show出黎o個時我影唔切呀, 唯有後製啦:

 

 

~~~~~~~~~~~~~~~~~~~~~~~~~~ 

尋日放工約左vivi, carol同thomas食飯影相飲野直落. 

我地首先去筲基灣權發食飯, 飽到嘔之後就搭叮叮, 由筲基灣搭到去中環, 沿途影下夜景.

 

o係電車上面影相都唔易, 呢個moment先發覺架車行得咁快同咁搖, 

最搞笑係落左車之後, 反而覺得個人好飄, 好似岩岩落船咁, 好誇. 

影左一輪相, vivi就帶我地去Soho飲野, 飲到三點到就走喇. 

~~~~~~~~~~~~~~~~~~~~~~~~~~~

iPhone 4 in White

holiday mood依然強勁, 完全唔想做野, 哈哈. 

今日係一個大日子, 因為我終於可以脫離部不知所謂既iPhone 3G喇!!! 

話說早幾日3仔打黎, 話我個number可以出iPhone 4喎, 

(岩岩出iPhone4既時候, 3仔sales死話我個number唔可以加監, 搞到我要用繼續用古董) 

既然佢一再confirm我可以出, 咁就梗係出啦, 

留左部機o係土瓜灣3Shop, 放工急不及待去出機!! 

終於可以有新生活喇, 可以擺脫一日hang幾次機, reboot要等5分鐘, 影相朦查查etc...

 

~~~~~~~~~~~~~~~~~~~~~~