Training後

上左兩日training - problem solving & decision making,

唔知點解, 學o個D野似曾相識, 十足十讀ISM時, system analysis & design咁,

又係用埋D咩tools呀, trees, 做analysis, 計數呀咁, 所以好快已經做晒D exercise.

堂上面有好多黎自唔同dept既同事, 唔知點解D四五十歲既叔叔好鍾意講爛gag,

仲要大大聲咁challenge個trainer, 唔夠人講, 又話: "得得, 我唔講喇".

真係老套到爆呀!!!

~~~~~~~~~~~~~~~~~~~~~

out of office左兩日之後, 今日重回工作崗位,

其實上training o個兩日, 我一放break就返office check email, 睇下有冇D火要救咁,

今日返黎到, 發覺好多星期一,二已經知道要做既野, 某同事係完全冇郁過,

死都要等到我返黎, 急到賴咁叫我整, 頂你個肺呀!

o係facebook話我跣佢, 頂丫已經慶到出煙, 你一百樣野入面, 一百樣野都係我做既,

有錯好難避免, 你可以話我做錯, 不過唔可以話我跣你囉.

我係要跣你既, 駛留到今時今日?

雞毛蒜皮既野都要搵我做, 你呢個位真係好好做喎!!

同埋經過今日, 我可以好肯定佢係一個microsoft office dummy,

唔識就認啦, 唔好扮阿姐扮high level, 收啦!!

~~~~~~~~~~~~~~~~~~~~

竟然咁都見到

原來我上一篇日記唔記得左打書面語..... 算啦, 我都係放棄, 哈哈.

星期日冇野做, 又冇咩戲好睇, 不如去睇波啦.

問阿祺攞飛, 佢真係好好, 次次都冇甩拖又交帶.

今次係睇傑志vs公民, 純粹真係因為冇野做, 又唔想去高消費活動先入場.

一齊坐既有我, 媽, 人地契媽, 人地契媽家姐, 朱志光老婆, michael爸媽, 細榮.

開左波差不多半個鐘, 阿俊打黎喎.... 原來佢都入左場睇波(為流浪下場足總盃對公民而觀戰),

佢猛問我坐邊, 死唔肯行上黎, 又叫我落去看台後面搵佢,

原來因為佢唔想俾平哥(流浪既主教練)同philip(總監)見到, 唔想同佢地坐喎.

o係另一端看台擾攘左一陣, 佢見我坐開個位都唔係好近平哥, 就決定上番去我度坐,

當然都因為細榮o係度, 佢地可以傾下計啦.

實在唔知佢會入場睇波, 100%係意外.

講番場波, 公民本來領先兩球架, 仲要打多個, 都可以俾傑志追平... 真係冇鬼用.

~~~~~~~~~~~~~~~~~~~

本來佢想同我坐架, 點知佢好衰唔衰, 一坐就坐左o係我阿媽隔離,

人地契媽即刻大大聲話佢坐左人地個位(即係我個位), 搞到佢即刻彈起, 坐落一行,

咁我冇理由阿媽都唔理, 跟佢坐落一行架嘛, 真係徙晒!

人太多既地方, 尤其係多八婆既地方, 都唔係好地方....

~~~~~~~~~~~~~~~~~~~

呢篇entry開太多人名啦, MSN個blog唔會有完整版copy, 費事無聊人睇到.

~~~~~~~~~~~~~~~~~~~

阻人睇波, 罪大惡極

尋晚約左細榮同契媽食飯, 次次同佢地食飯都要入沙田....

今次o係禾輋食囉.... 幾番轉接先入到去咋, 野食認真麻麻, 不過算啦, 幾平.

食完飯返到屋企都十二點幾, 沖埋涼訓落床都一點,

輾轉反側到四點幾, 真係訓唔到, 咪開facebook寫句失眠囉.

丫點知有人又係訓唔著喎, 打黎傾下計就岩喇.

一路傾到七點幾都要開始準備返工.

~~~~~~~~~~~~~~~~~~~~~~~~

公司... 唉, 都唔知係我心火盛, 定係真係有人咁本事日日都激慶我.

生平最Q憎就係有人阻住我收工去睇波, 佢真係又Hit中我要害喇.

仲要企o係我個位阻住我出入, 我已經好唔客氣咁答佢, 佢都唔走開, 我幾乎伸手推佢架喇!

卒之搞到7:30pm先走, 但係8:00pm開波囉, suppose最遲7:00pm要走.

扯晒火既我, 同埋扯得更行既carol一齊走, carol又係激慘...

~~~~~~~~~~~~~~~~~~~~~~~~~

去到球場坐低已經8:20pm囉, 最Q憎遲入場架喇.

流浪今日居然輸俾愉園... 個十二碼先輸得唔抵囉, 係個後衛跣低落地o個時handball...

and then又有球波中楣... 咩都輸晒.

今日迪爸問左我一句野, 真係俾佢嚇一嚇.... 都唔知做咩會咁驚.

~~~~~~~~~~~~~~~~~~~~~~~~~~

放我五天假

一連五天的復活節及清明節假期終於開始了!!!

昨天公司舉行了本年度第一次的Q12活動, 今次是玩Ptictionary.

我們「展房」人強馬壯, 最後以決勝局擊敗「和星和」,

成功每人奪得Cerruti筆一套! 哈哈哈哈 (其實都真係幾靚既)

如果沒有記錯, 第三名是「十四銀」,第四名是「新義行」.

其實重點不是Cerruti筆, 而是我們要向著「衛冕年度總冠軍」進發,

為多一日annual leave努力, 拋頭顱, 灑熱血!! 哈哈.

放回家路上, 巴士與一架的士撞車....

我這人搭巴士也算多事... 半路壞車的次數多到記不起, 有人鬧事也見很多,

撞車也不是第一次, 不過這一次的聲效很震撼, 砰的一聲很響亮...

幸好這次沒有人受傷, 不過希望的士司機們小心駕駛.

~~~~~~~~~~~~~~~~~~~~~~~

昨天看了「志明與春嬌」, 不過不失吧, 這種Style的戲比較少看,

寫實得來帶點賤格, 對白mean得好笑.

那些SMS的情節很有共鳴, 因為我們都是「SMS人」,

可惜有一些GAG已經聽過(例如四個六), 所以扣了一點點分.

大致上不錯, 不明白為何那麼快落畫,

未看的要抓緊時間了, 所餘的都是很「了能」的場次.

~~~~~~~~~~~~~~~~~~~~~~~~~

星期二跟vivi一起看Eason, Eason的演唱會永遠都物有所值,

雖然聲沙, 但歌迷依然瘋狂, 這些就是舞台上的魅力!

我最喜歡他獻給太太的「天佑愛人」, 十分感動~

看我們坐得多前(第十一行呢), thank you vivi!

~~~~~~~~~~~~~~~~~~~~~~~~~

超最近很忙, 寧波車又來了香港, 一堆的活動和齋宴要舉行,

學校方面又正如火如荼, 這幾天紅假更加要入Camp上堂...

關於那個兩個賤人的事, 真的很想知道他們夜來睡得著嗎?

夜半敲門會不安嗎? 良心丟了在哪裡? 人性都不見了嗎?

~~~~~~~~~~~~~~~~~~~~~~~~~

灰飛煙滅

要拋開一些關係, 比想像中容易,

但是要處理遺留下來的事, 真的很複雜.

我想過新生活, 嘗試毀滅所有存在過的證據....

~~~~~~~~~~~~~~~~~~~~

悠長假期

眨眼已到了悠長假期的最後一天,

今天決定那裡都不去, 留在家中做一天Hea神, 哈哈!

~~~~~~~~~~~~~~~~~~~~~~~

星期五舉家到了澳門一天精華遊, 沒有拍很多照片因為已經去過太多次了...

反而覺得酒店的水晶燈很漂亮, 所以拍了一些"懶藝術"的照片:

~~~~~~~~~~~~~~~~~~~~~~~~

星期六去拜山, 之後入小西灣看足總盃,

頭場流浪爆冷以十二碼淘汰晨曦!!

尾場天水圍飛馬對愉園, 我看完上半場已經走了, 因為實在太凍,

加上當時飛馬已領先四比一, 相信愉園沒有改寫戰果的能力.

~~~~~~~~~~~~~~~~~~~~~~~~

昨天又是去拜山, 夜晚約了匙匙, Esther和Sandra吃飯, 慶祝Sandra回歸.

要約齊其他人聚一聚真的很有難度, 希望下星期可以齊人啦.

~~~~~~~~~~~~~~~~~~~~~~~~

唉.... 有些東西早知道告訴你會不開心, 所以我才選擇沉默,

不想給你壓力, 因為我知道你已經夠辛苦了,

如今逼不得已要說出來, 不是要怪責你的意思, 也不是想說明有我多委屈,

其實很擔心你....

~~~~~~~~~~~~~~~~~~~~~~~~~

天意

我重申一次, 我好憎briefing, 尤其係晨早流流, 水都未飲既時候!!

~~~~~~~~~~~~~~~~~~~~~~

最後幾日喇, 真係最後幾日, 不過我等唔到.

等左兩年, 爭幾日, 最後呢幾日.....

我都估唔到會發生呢D事, 可能真係天意

~~~~~~~~~~~~~~~~~~~~~~

餅印

雖然今個星期只工作三天, 不過仍然很煙悶....

今天去了看球賽, 傑志對流浪.

對上一次看傑志的比賽是.... 我都記不起了... 應該是在元朗對飛馬吧.

估不到細榮都來了, 他那些態度..... 唉.....

終於看見阿俊的兒子, 長得和阿俊很像很像, 餅印一樣.

~~~~~~~~~~~~~~~~~~~~~~~~

夜晚約了Joyce吃飯, 本來想再訪Pink Salmon,

可惜剛遇著店舖裝修....... 唯有另覓餐廳,

最後去了spaghetti house, 和Joyce一起真的很開心.

希望她可以早D找到新工, 離開這個煙悶地.

~~~~~~~~~~~~~~~~~~~~~~~~