Frustrated -> 勁食Outback

今朝喺公司真係前所未有咁唔開心, details都唔想講喇, 總之就係莫名其妙又俾人話,

好想忍住唔發勞蘇, 唔想o係公司發放負能量, 唯有自己gud一聲吞咗佢啦, 

其實有時俾人鬧完啲說話, even係幾個月前都好, 我係好入心嘅....

我真係有警剔自己要做好, 不過好似今日咁, 我又唔明喇,

點解其他人可以十問九唔知, 都好似理所當然咁,

而我就一定要100%完全了解完全follow, even個責任明明唔喺我度!

點解一定要我攬上身? 人地拋個波俾我, 做咩我一定要接先? 唔合理都要接?

okok好啦我去跟下, 做咩我咁辛苦咁努力, 都仲要話我做嘢唔得, 想我點?

頭先係Frustrated到一個地步, 喺自己個位度流眼淚, 迫自己做啲唔用腦嘅嘢.

好辛苦捱到lunch time, 好好彩同事陪我嘻嘻哈哈講吓白痴笑話, 我情緒先release番啲.

真係好喜歡一班好同事!!

~~~~~~~~~~~~~~~~~~~~~~~~

今日我地一班人同Wing食farewell lunch, 主角話想食西餐, 所以book左Outback.

殊不知lunch time時爆大雨, 有遮都濕..... 幾經艱苦兜十個圈先去到康怡Outback,

已經半邊身濕透 (阿聰冇帶遮, 同佢share一把), 件衫擰得出水呀!

我地去到餐廳真係嘈死人, 最搞笑係因為waiter落漏左單, 最後佢送左一碟芝士薯條同埋雞槌俾我地!

本來order 12人既份量, 再additional加多碟雞槌, end up 10個人都仲可以清晒,

呢班仔再加埋Emily既食量, 真係不容忽視! 哈哈

~~~~~~~~~~~~~~~~~~~~~~~~~

詠春第二堂

尋日同vivi上第二堂既詠春, 一去到就覺得做咩咁焗呢, 原來冷氣壞左!!

OMG..... 即係上高溫詠春啦!!! 死得, 真係郁下都出晒汗.

今堂學左小念頭既第二節, 學完之後, 第一節完全洗腦唔記得晒.....

師兄帶我地耍番第一節refresh下啦, 點知係嚴重到佢講左口訣我都唔記得係要做D乜!!

除左standard既招式之外, 今堂仲教左幾招可以套用落自衛術.

我覺得超級實用, 不過當然要非常熟練先有用啦,

如果唔係俾人打死都未諗到用邊招邊式去擋.

上左兩堂之後, 真係覺得幾好玩, vivi都估唔到我會咁投入,

~~~~~~~~~~~~~~~~~~~~~~~~~

若有所失

happy friday, team meeting取消了, 晏晝又玩左一大輪Q12既遊戲,

我地真係嘈到爆炸, 不過玩得好開心, 笑死左.

天都未黑就放工, 不過唔知做咩攰到咁, 一上車就瞓到落車.

~~~~~~~~~~~~~~~~~~~~~~~~

weekend開始了, 心情居然唔好,

莫名既失落..... 若有所失......

~~~~~~~~~~~~~~~~~~~~~~~~

麥當勞道

今日真係火到爆炸同忙到爆標,
D人自己overlook左email搞到冇時間俾我做野, 仲催到我甩肺,
仲要黎o個D扮醒扮決斷喎, 好丫你咁叻, 我迫佢答佢又答唔出!
整整下仲唔知幾時走埋, 咁即係點呀?
我唔交又話我唔交, 我交又話唔俾你過目先......
一陣間又輪到finance條八婆, 一聽佢把聲就火起,
究竟點先可以resume我既EQ呀? 我都唔想成日o係公司爆炸呀!
~~~~~~~~~~~~~~~~~~~~~~
lunch time我地去左太古城, 今日飯腳既組合有D特別: 我, 阿聰, 阿Per, Thomas, Patch同May.
好搞笑就係阿聰講緊電話, 突然間問我地: 銅鑼灣麥當勞道o係邊呀?
阿Per話: 麥當勞道o係中環喎.
阿May話: 麥當勞道幾時伸展到去銅鑼灣架?
笑爆咀, 人地同佢講o係麥當勞o個度, 唔係麥當勞道ok?! 哈哈哈哈哈哈
搞掂山就一齊行返OIE, 之後佢返銅鑼灣.
一返去上, 又係地獄既開始..... sigh.....
~~~~~~~~~~~~~~~~~~~~~~~

詠春第一課

今日第一堂上詠春, 我同vivi一去到, 見到D師兄師姐已經打緊,
我地睇到都驚一驚, 因為真係堅打架喎.... 同埋會打到扯晒蝦....
我地企埋一邊睇左一輪, 終於都到我地開始.
阿sir講解左D理論俾我地聽之後, 就開始紮馬,
呢個馬真係唔簡單, 對腳勁攰囉, 好彩佢久唔久都會俾我地抖抖.
今日主要學左"小念頭"既第一節. (呢個名我都係返屋企search番黎, 因為我只係知大概係咁既音)
我地同學入面有兩個師奶, 其中一個做親都錯, 成日都要阿sir/師兄執,
搞到我地紮馬紮好耐, 真係唔like呀!!
仲要阿sir講野佢都要駁咀喎, 可唔可以虛心D學習呢?
anyway, 上完第一堂雖然攰到腳震震, 不過暫時都有興趣, 我會努力!
~~~~~~~~~~~~~~~~~~~
上堂之前, 我去左Artis Tree睇左一陣港島東足球挑戰賽,
本來真係諗住入去hea一陣, 點知見到梁承傑喎, 原來佢幫手做場監.
and then有人走黎搭一搭我膊頭, 原來係addy szeto, 佢係黎比賽,
仲要咁岩係下一場到佢比賽, 同埋係傑仔負責呢場囉....
我去同傑仔say hi, 佢問我公司有冇份參加, 我話星展囉, 就係呢度喇.
呢個比賽係2 on 2, 全場打五分鐘, 不設半場休息, 不換邊.
由於個場好細同埋係困獸鬥, 所以節奏好快, 好多埋身肉搏,
撞到砰砰聲, 呢D音效令到場波好似好刺激咁.
雖然D球員都係業餘, 不過都要一讚佢地好有火, 踢波冇火不如唔好踢.
~~~~~~~~~~~~~~~~~~~

任天堂

尋日買唔到任天堂iPhone殼, 今日見又出尖沙咀, 就去iSquare Logon睇,
好開心一去到就見到, 即刻whatsapp俾vivi知啦,
淘寶都賣RMB89, 最貴三百幾都有, 我心諗如果香港賣HKD200樓下我都會即買.
End up Logon係賣$128, 比想像中平, 即買唔諗!!!

我咁鍾意佢, 都係因為細細紅白機陪住我大,
記得o個時成日都玩孖寶兄弟, 俄羅斯方塊, 冒險島, 魂斗羅, etc....
所以一見到呢個手制就好懷念!!
~~~~~~~~~~~~~~~~~~~~~~
今日仲去左剪頭髮, 染番個頭啡少少, 覺得個頭望落去輕D,
其實攣頭髮左一排, 覺得打理的確係麻煩, 有一個moment好想電番直佢,
不過明知自己頭髮薄, 電直可能冇攣咁靚.... 冇辦法啦先天缺憾.
~~~~~~~~~~~~~~~~~~~~~~

荷花池

話說早排參加左一個問卷調查, 送一張apps@智能手機亞洲博覽2011 既入場卷.

不過送得一張, 又覺得唔會有人同我去, 所以都不了了之,

點知尋晚vivi問我有冇興趣去喎, 佢真係問岩人啦!!

入場之後已經feel到有D唔抵, 因為其實有D似電腦展, 同埋個場都幾細,

行左一陣, download左D新app, 抽下獎, 撲下蝶, 都冇乜野睇就走lu.

~~~~~~~~~~~~~~~~~~~~

我地之後去左香港大學影荷花(好彩vivi叫我帶相機咋),

大家都係第一次去呢個荷花池, 一去到有少少失望乜原來咁細....

不過都唔緊要, 照影, 同場都有四五個龍友影緊.

第一次影荷花, 都覺得幾靚呀, 覺得D花好似裝左盞燈o係入面, 識發光咁.

影完荷花就落中環, 因為打算搭船去尖沙咀LCX,

去碼頭途中經過F1賽車既表演場地, 人山人海好虛陷,

我地都留低睇左一陣, 不過真係唔知頭唔知路囉....

聽過引擎聲, 睇過D車, 當參與左架喇, 哈哈!

~~~~~~~~~~~~~~~~~~~~~~~

我地去LCX既目的, 就係想買微博見到既一個iPhone殼,

係任天堂紅白機手製既design, 一見就好激動咁話要買, vivi都嚇一嚇.

好可惜去到搵唔到, staff話原來下星期先有貨喎.

買唔到野, 就去左影日落

影完之後上埋Logon, 都係冇o個個iPhone殼, 所以都各自歸家了,

咁我行番去海運大廈既途中, 又經過先前影日落既地方, 見到天色唔同左, 就再影

就係咁, 好滿足咁返屋企, 過左一個好充實既星期六.

~~~~~~~~~~~~~~~~~~~~~~~

新blog入伙

vivi同carol都分別建議過我棄xanger轉用blogger,

好啦, 今日終於的起心肝, 日記搬家了.

遲D我會慢慢將舊blog既entry搬番過黎架喇.

~~~~~~~~~~~~~~~~~~~~

張敬軒x孫耀威x吳建豪

一知道metro有張敬軒x孫耀威x吳建豪音樂會, 第一時間叫calvin幫手問metro攞飛. 

尋晚同celia去睇, 個位果然唔錯, 坐第九行, 唔算正中間不過都唔係好偏, 

一開場吳建豪勁歌熱舞, 雖然D歌完全聽都未聽過, 不過都叫幾好睇,

 

一路睇, 就一路諗起小豬, 真係好想好想睇小豬concert呀!!! 

之後就到我偶像孫耀威, 第一首歌係口琴+愛的故事上集, 

次次聽呢隻歌都好感動, 因為佢都算係我睇得最耐既歌手, 而呢隻亦係經典中既經典, 

第二首同第三首都係自彈自唱Raise Me Up同埋至少還有你, 佢唱得好好聽呀, 入心入肺既感覺. 

之後就係思前戀後, 愛的故事下集, 同埋一首新既國語歌You and I. 

 

 Solo完畢, 張敬軒出場, 佢兩個合唱左兩首女人歌, 我本人覺得普普通通.

至於張敬軒, 都係咁啦, 睇左佢好多次呢D show, 次次都係咁上下. 

十點幾就完show, 返到屋企都係十一點到. 

~~~~~~~~~~~~~~~~~~~~~~~~~