充實的四連休

一連四日既假期就快結束喇, 呢幾日做左好多野呀.

星期四迎月放假, 去左小西灣睇公民vs飛馬.

由於今季睇幾場波都係下游球隊既關係, 所以戰情唔係好激烈,

等左幾場終於都有一場實力較接近既球隊對賽.

終於好unexpected地公民輸左四比零........ 其實公民踢得唔係咁差.

~~~~~~~~~~

星期五拎左日假, 去左salon執一執D蔭, Kelvin(髮型師)幫我電番直D蔭,

fine tune左之後大家都覺得好好多, 咁多人讚真係抵番晒啦!

~~~~~~~~~~

星期六, 媽媽申請o個張恆生CUP(銀聯)卡可以平D買Benq iDTV,

但係指定既outlet都係好隔涉, 最近都係times aquare, 所以就出左times square買啦,

去到國美, 原來佢係唔送貨, 即時隊部電視俾我自攜..... well, 又唔係真係激重既...

不過由times square拎到番土瓜灣都咪話唔手軟囉.

返到屋企, 橫掂都係囉, 自己動手安裝啦...

我覺得我真係好勁, 首先要uninstall existing o個部大牛電視, 再將佢移走,

and then駁線, 追台, 成功駁好晒!

呢個時間已經好累, 由得部大牛放o係廳唔理佢住(本身係想將佢放入爸媽房的)

用新電視睇小豬DVD好靚呀, 好開心.

~~~~~~~~~~

到今日星期日, 好開心地又去睇波, 今場係流浪vs晨曦,

事前都係估打和啦, 點知流浪落後一球之後, 反勝5:2呀, 真係估佢唔到呀!!!

完場之後搵阿俊, 終於都冇俾佢D大銀紙大走, 哈哈.

返到屋企見到部大牛電視, 我又唔抵得, 決心搞掂埋佢!

於是執空爸媽房個位, 再獨力將佢搬入房.... 駁線, 搞掂, 睇得.

做咩我好似個男人咁, 又買電視又搬又抬又駁線...

~~~~~~~~~~

睇住流浪連贏三場(雖然頭兩場都係對弱隊), 不過真係同上季"任人魚肉"好唔同.

上季睇親唔係和就係輸, 球員又唔係好認識, 睇到好冇癮....

今季唔同喇, 一來D球員開始認得下, 二來實力強左, 有得打先好睇架嘛!

feel到自己終於開始投入番, 有passion地去睇波真係開心好多.

下一場對南華係榜首大戰, 好好好好好緊張呀!!!

~~~~~~~~~~~~~~~~~~~~~~

追月

一連四日既假期終於開始喇, 暫時拋開工作, 輕鬆一下.

尋日中秋佳節, 不過天氣麻麻地, 毛毛雨又多雲, 基本上都唔係好睇到個月亮.

不過今日就唔同喇, o係小西灣睇睇下波抬頭一望, 見到月亮"現身"

場波都算係今季我睇幾場波入面, 比較好睇既一場,

不過好可惜, 公民吞左飛馬四隻蛋, 總係覺得公民呢班波冇火...

~~~~~~~~~~~~~~~~~~~~~

話說今日o係老麥, 有個伯伯忽然暈低左, 成個仆左o係我阿媽個身度,

咁我即刻去扶住個伯伯啦, 點知佢個人冇晒力, 墜晒o係我度,

我又唔夠力喎, 呢個時候, D人真係圍觀, 冇人幫手架...

嗌左一輪, 先有一個坐老遠既男人過黎幫手咋.

我仲可能因為太用力既關係, 兩隻手指公到宜家都有D痺痺地.

點解香港人變成咁架, 咁冷血咁冇人性, 真係好失望!!!

~~~~~~~~~~~~~~~~~~~~~

o係iPhone睇新聞, 見到今日好多人自殺:

【23:08】　紅磡女子高處墮下死亡

【17:07】　紅磡老婦行人天橋墮下送院不治

【15:53】　樂華南村老婦吊頸自殺

【13:25】　藍田德田村青年墮樓身亡

【12:18】　粉嶺有人高處墮下

【10:41】　藍田婦人吊頸自殺送院

【10:16】　新翠村男子墮樓身亡

【07:22】　油塘高翔苑男子企跳獲救送院

【04:33】　葵涌石籬村石寧樓老婦墮樓亡

唔通真係過時過節, 令人倍添愁緒?

~~~~~~~~~~~~~~~~~~

Cover Girl

呢D乜野天氣.... 熱到嘔呀!!!

今日出左尖沙咀行左一陣, 終於o係商務買左呢本香港2009

一睇個價錢.... 嘩盛惠$171, 仲要寫明恕無折扣.

政府出架喎, 我有交稅架喎, 搞錯呀! 不過照買!

買完書就出深水埗睇波, 我打破左去親呢個球場例遲15分鐘既定律,

好彩準時入場, 否則好似上場咁又miss入球啦....

最後流浪大勝港會7:1, 港會都真係唔係波, 業餘到爆囉, 流浪hea踢都贏.

完場之後搵阿俊, 因為幫佢交左錢要問佢收番, 點知佢又係得D大紙, 冇得找, 又下次囉.

今次佢個仔Max都o係度, 同佢say個hi, 之後佢地趕住走喇.

~~~~~~~~~~~~~~~~~~~~~~

十級期待有D精彩D既比賽睇下, 星期四公民vs飛馬, 星期日流浪vs晨曦!!!!

快D快D快D!

~~~~~~~~~~~~~~~~~~~~~~~

祝你好運

ok, 癲左幾日, 喊左幾晚, 一切都要回復正常.

我估你都唔會有將我同你之間既事講俾佢知,

不過我同你講, 呢件事係會一路纏繞住你, 紙亦都包唔住火.

而當兩個人中間失去左信任之後, 係好難再相處落去,

呢個道理, 係我獻俾你地兩個, 祝你地好運.

宜家既我已經唔再需要幫你著想, 所以我同你講野用詞會好狠, 我會迫你埋牆角,

我要你知道, 以前既我對你太仁慈, 你係時候要面對呢個唔可愛既我.

~~~~~~~~~~~~~~~~~~~~~~

今日臨時決定去電髮, 俾個新形象自己!

~~~~~~~~~~~~~~~~~~~~~~

鐵證

尋晚..... 無意中引證左一D事實, 前文後理忽然間通晒.

要瞞我, 可唔可以瞞得精密D(雖然你已經收得好埋, 係我神推鬼擁走去摷出黎....),

寧俾我知, 莫俾我見, 赤裸裸事實就擺在眼前, 我已經冇得再躲, 冇得再搵藉口,

我睇番你同我講既野, send既SMS, 我好不安, 原來當時parallel係進行緊另一樣野,

而我係徹底被蒙在鼓裡,  回想呢段日子, 我越諗越驚, 點解o係我身邊呢個人係咁陌生,

呢一件事既複雜程度, 係我冇能力向任何人完全交代, 我亦都冇能力面對自己.

真係架, 點努力, 點堅持, 點相信, 點撐都好, end up都唔係你可以想像得到,

呢個theory宜家更加鞏固, 我唔會再相信任何人, 唔會再拎個心出黎....

~~~~~~~~~~~~~~~~~~~~~~~

今日朋友仔同我講, 話我越來越硬朗, 唔夠女人.

一來係我性格本身都比較好勝,

二來出黎社會做野之後, 面對太多衰人, 係磨練出黎.

加上我係獨女, 發生咩事都唔可以令屋企人擔心,

再同埋我同佢之間既問題, 我唔硬淨根本撐唔到今時今日,

你估我好想咁tough咩... 你估我唔想做小女人咩....

如果你話我知, 其中一個死因係太硬朗, 咁太唔公平喇....

~~~~~~~~~~~~~~~~~~~~~~~~

睇唔到波, 咁點先?

well...今日真係有D火.

一早(其實都成點鐘先出門口)入上水探大舅父, 之後就出番銅鑼灣準備睇波.

一路都stay tuned睇下會唔會取消, 一路都ok既....

5:00pm - 5:30pm真係大雨到PK, 我成身濕晒咁爬上大球場,

見到兩邊球員滂沱大雨下熱身, 仲有足總職員, 球會職員同球證試場,

呢個時候雨開始細番D, 點知到5:50pm, 忽然宣佈取消喎....

我頂丫, 唔早D講, 臨開波先講.... 全場屌爆啦當然!

坐左一陣我個身先岩岩乾番D又趕番我走, 搞錯呀,

呢場波仲要係我超期待既, 好想睇偉豪倒戈架嘛, holy shit!!!

therefore, 我今日既achievement就係, 入左上水, 出番銅鑼灣, 行上大球場影張相, 返屋企.

真係好唔舒服, 知唔知儲左一星期既mood去睇波, 宜家冇得睇係好辛苦既事....

~~~~~~~~~~~~~~~~~~~~~~~

充實的weekend

呢個weekend都認真充實喇.

星期五happy friday, 約左carol, vivi同celina飲野,

vivi放學都成九點, 所以我同carol同celina食D野先上去.

由於星期五怕周圍都多人既關係, 所以決定去阿俊間coins club, 保證有位丫嘛.

第一次幫襯, 真係嘈到爆炸,

"註場"既文仔其實見過好多次, 第一次應該係當年雞仔間901,

之後好多次都係麥花臣既東南海盃, 點個頭o個D啦..... 

另外又見到小明, 當年我幫雞仔整網頁, 係佢幫雞仔send D相俾我既.

我地坐低之後, 陸陸續續都有好多客, 包括偉仔, 兆銘, 冼家裕等...

到十點到啦, vivi都到, 佢地就開始飲喇

(我因為食左藥既關係, 係隊橙汁... 橙汁唔收錢, 哈哈)

carol飲左酒之後勁'健談", 可以一個人自己講足三個鐘, 走o個時聲都沙晒,

佢就講到聲沙, 我就笑到喊晒口, 哈哈哈哈, 我都好累囉.

我地坐到三點零鐘走, 返到屋企又忍唔住要上下網咁, 卒次四點幾先訓.

p.s. 下次阿俊唔o係度, 我唔上去喇, 有D人太多野講, 答都答到累,

我都已經反映左, 下次再有呢D情況唔該幫我解解圍.

~~~~~~~~~~~~~~~~~

星期六約左tracy, esther, sandra食lunch buffet, 12點要出到太子,

咁我已經十點鐘爬起身架喇, 不過可能因為眼訓, 搞到行動緩慢, 最後都遲左2個字.

帝京既lunch buffet.... 麻麻地啦, acceptable既, 不過harbour plaza好好多.

食完之後行左一陣, 佢地去睇inception, 我就離一離群過左去阿仙奴,

阿仙奴完左之後都八點, 我就入番青衣回合佢地, 因為我地上sandar屋企打邊爐呀!!!

開始食o個時都成十點, 不過烚下烚下好開心呀!!!

十二點走, 返到屋企都點幾兩點.... 累到嘔呀, 不過都係要上下網先!!!

兩點幾訓覺, 應該都訓到似死豬一般.....

~~~~~~~~~~~~~~~~

今日係球季開鑼之後, 第一次入場睇波,

我好想知點解我次次去親深水埗運動場都例遲三個字既,

入到場之後驚見屯門贏緊流浪一球????

好彩之後流浪入番三球, 3:1完場,

我都唔知幾耐冇睇過流浪贏波啦.....

之前聽聞今季冇贈券派, 所以我早一日都問定阿俊,

佢拍心口話有喎, 好彩今日真係有.... (死唔俾錢買飛, 對球壇真係冇貢獻....)

~~~~~~~~~~~~~~~~