呢D乜野天氣.... 熱到嘔呀!!!
今日出左尖沙咀行左一陣, 終於o係商務買左呢本香港2009
一睇個價錢.... 嘩盛惠$171, 仲要寫明恕無折扣.
政府出架喎, 我有交稅架喎, 搞錯呀! 不過照買!
買完書就出深水埗睇波, 我打破左去親呢個球場例遲15分鐘既定律,
好彩準時入場, 否則好似上場咁又miss入球啦....
最後流浪大勝港會7:1, 港會都真係唔係波, 業餘到爆囉, 流浪hea踢都贏.
完場之後搵阿俊, 因為幫佢交左錢要問佢收番, 點知佢又係得D大紙, 冇得找, 又下次囉.
今次佢個仔Max都o係度, 同佢say個hi, 之後佢地趕住走喇.
~~~~~~~~~~~~~~~~~~~~~~
十級期待有D精彩D既比賽睇下, 星期四公民vs飛馬, 星期日流浪vs晨曦!!!!
快D快D快D!
~~~~~~~~~~~~~~~~~~~~~~~
沒有留言:
發佈留言