將軍澳運動場

好明顯呢度已經變成週記...

不過都冇所謂既, 鍾意幾時寫咪幾時寫囉, 呢度係屬於我架嘛.

今日第一次去將軍澳運動場睇波, 一去到我就好鍾意好鍾意,

因為好新好靚, 香港好少運動場係有design既, 我覺得佢好有外國球會球場既感覺:

入到去之後, 就覺得看台同球場距離比較遠, 不過都冇遮冇擋, 尚算睇得清楚.

今日既比賽係傑志主場對流浪, 流浪輸左1:2,

流浪都抵輸既, 個後防係不設防, 人地就真係踢得好D, 冇話可說.

完場之後, 迪爸好好人帶我去搭巴士, 仲經過阿俊屋企樓下指俾我睇添,

我想講..... 阿俊住o個度勁靚喎... @_@

~~~~~~~~~~~~~~~~~~~~~~

星期五同vivi去旅行社交passport搞visa, 兼俾埋團費個尾數,

越南之旅基本上所有野confirm, 仲有2個星期就係喇, 好期待呀!!

(花絮: vivi交o個張相同passport o個張一樣, 原來係唔得架喎,

搞到佢要落番去地鐵站影即影即有, $40仲要等好耐又影得好衰o個D呢...)

我地搞完個團之後, 同埋martine去左東京和食,

呢間餐廳我地以前真係去唔少, 不過搬左去OIE之後就冇乜機會去,

今日重"遊"舊地好開心, 一路食一路嗌"好好食", "好好味"囉, 哈哈.

我地食完都仲唔夠飽, 再去ruby tuesday食dessert同飲野,

一個晚餐就好圓滿咁結束喇.....

~~~~~~~~~~~~~~~~~~~~~~~~

早幾日聽到個消息, 我真係覺得邪到爆標,

點解我身邊D人既遭遇咁似既, 一個係咁兩個係咁,

希望今次唔好係真, 如果唔係我會好擔心呀...

~~~~~~~~~~~~~~~~~~~~~~~~

黃子華

做野始終都係唔順心, 同o個D人根本work唔到, 算啦唔講工作喇.

尋晚去左紅館睇黃子華, 簡直係全城期待!!

幾舊水我真係心甘命抵俾佢賺, 講足兩個幾鐘喎, 仲要有interaction, 轉數奇高.

林海峰我根本唔覺得好好笑, 詹瑞文我download左直頭睇到一半放棄唔睇,

始終都係黃子華最正, 因為佢最能夠貼近我地日常生活,

將我地心入面平時唔敢表露出黎既陰暗面, 用佢把口好賤咁講晒出黎.

好想好想到下年再睇!

~~~~~~~~~~~~~~~~~~~~~~~~~

點解點解.... 我只係想出iphone 4 o者, 有錢都出唔到.....

有貨o個時想等白色, 等等下又話要出年4月, 我決定唔等白色,

3仔又唔俾我extend contract, 要我開新no., 好啦屈服出淨機, apple又唔賣...

咁點呀, 係唔係玩我呀? 我真係唔想再對住呢部3G喇, 眼冤呀!!

~~~~~~~~~~~~~~~~~~~~~~~~~