House Warming @ Daphne's Home

尋日去左Daphne屋企house warming. 

我同阿匙最早到, 就同埋Daphne同梁生一齊去超級市場入少少貨(零食)先, 

上到Daphne屋企, 第一件事就係開檯, 都唔知幾耐冇打過麻雀喇.... 

Daphne主場果然係唔同, 係咁食, 好彩我臨尾都發一發力有贏少少, 阿匙一個輸. 

打左一陣, Sandra同Esther都到喇, 咁多人就當然係玩Wii最好, 

唔玩由自可, 一玩真係十個投入, 係咁fing係咁fing玩到手都酸埋, 

D graphics真係好好笑, 跑步o個個真係笑到我地抽晒筋. 

玩完一輪, 就開餐喇, 梁生落左去買壽司俾我地食, 

呢個日時候Jocelyn終於都到埋,, 時間岩岩好可以一齊食, 

Daphne又整左tiramisu做甜品, 食到我地捧住個肚.... 個tiramisu都只係食左一半咋!! 

癲左一日勁累, 返到屋企都十一點幾. 

~~~~~~~~~~~~~~~~~~~~ 

今日o係屋企得閒, 就出左去九龍公園影下相, 

之後都想想地去架喇, 加上見到Vivi又去左, 就更加想去影下. 

不過去到有少少失望, 因為靚景唔多, 雀仔又太遠(又或者係我部機渣啦...), 

影左一陣就走喇, 都係香港公園靚好多!! 

~~~~~~~~~~~~~~~~~~~~~

鳥語花香@香港公園

之前一路都睇妤多謙姨丈o係動植物公園影既相, 搞到我都好想去, 

終於今日起行, 不過唔係去動植物公園, 係去左香港公園. 

之前好似都冇正正式式去行過呢個公園, 宜家先知原來都幾大架喎. 

首先參觀左個溫室, 入面好多唔同品種既花呀草呀樹下仙人掌都有, 

最surprise既就係第一次睇到可可樹 (唔知係唔係我大鄉里呢....)

 

影完花花草草, 就試下想影好耐既流水瀑"布", 

之前影極都影唔到呀, 因為次次都爆晒光, 今次終於影到喇!!

 

最後, 就去左觀鳥園, 入面好多雀仔, 顏色好繽紛好靚呀, 

咁岩我參觀既時候, 撞正管理員餵雀喎, 引晒佢地出黎食野, 任影唔嬲!!

 

本來想去埋動植物公園架, 不過見行到累累地, 都係下次先啦. 

~~~~~~~~~~~~~~~~~~~~~

連州遊

岩岩同爸媽去左連州旅行, 就係呢次旅行, 我覺得我部相機買得超值. 

基本上第一日同第三日都係搭車, 主力既景點都係第二日, 

我地去左連州地下河:

連州地下河位於歷史文化古城連州市東北26公裡處，在粵桂湘三省交界的崇山峻嶺之中，是一個亞熱帶喀斯特地貌的巨型天然石灰岩溶洞。洞內四季氣溫保持在18℃左右，空氣清新，冬暖夏涼，是旅游的佳地。

　　洞內有無數千姿百態、瑰麗多彩的鍾乳石，游覽范圍共分三層：上中兩層為陸地層，廳堂高大寬闊，岩壁堅固，雄偉壯觀，『瀑布』、『山林』、『幽谷』、『田園』、『瑤寨』，百花爭艷，鳥飛雲走；下層是一條地下暗河，由北向南蜿蜒1500米，經過三個美麗的峽谷，穿過四座山頭底部，河面寬1.6~10米，水深1~7米，兩岸奇景密布，巧奪天工，美不勝收。有洞中之寶『金雞報曉』、『飛象過河』；還有地下河最高最大、一物兩景的『壽星公』；更有近百處由石柱、石幔、石筍、石藕、石花等天然形成的奇觀，如『飛瀑奇石』、『花鳥神閣』，各處自然美景無不讓人嘆為觀止，樂而忘返。

 

 

呢D天然奇景, 去過一次真係好難忘,嘆為觀止. 

由洞口開始, 我地行左一整整一個鐘, 再加埋可以坐船.... 

可想而知, 呢個溶洞有幾大有幾壯觀!! 

遊覽完溶洞, 就去湟川三峽, 其實唔係話好靚好靚, 不過我最like坐船, 所以都ok.

 

 

我去旅行最鍾意就係睇風景, 希望下一次去旅行都有咁靚既風景啦, 

最重要既係我攝影既技術一定要多加磨練, 唔好徙左D靚景!! 

~~~~~~~~~~~~~~~~~~~