車厘日記: 1月 2012

2012年1月23日星期一

2011 大事回顧

已經一月尾, 宜家先寫番大事回顧... 不過唔緊要, 都可以死撐係免年last一日丫嘛, 哈哈.
2011年究竟發生左咩事呢?

1. 極速決定買下相機G12, 加入影相既行列, 多左好多為影相而設既活動

2. 超多出門, 括號內係難忘既地方:

Ø 二月 – 連州(地下河)

Ø 三月 – 清遠(杜步高架橋)

Ø 七月 – 廣州(小洲村, 荔枝灣, "中港直通車高級軟座"撞到國際巨星田雞)

Ø 九月 – 江門

Ø 十月 – 台北 (For爸媽結婚三十週年紀念, 超like木柵動物園)

Ø 十一月 – 廣西南寧(中越邊界既德天瀑布, 黑水河, 湖光岩)

Ø 十二月 – 澳門生日trip

3. 一個不能令豪豬復活的復活節… L

4. 脫離用到著晒火既iPhone 3G, 換左iPhone 4 in White

5. 除左出門多, 睇演唱會/音樂會都多:

Ø 五月 – 五月天[就是]演唱會

Ø 六月 – 張敬軒x孫耀威x吳建豪

Ø 七月 – 小豬舞法舞天一萬零一夜香港站演唱會

Ø 十二月 – 郭富城舞臨盛宴世界巡迴演唱會2011/12香港站(D crazy野應該列入2012年)

6. 同vivi一齊學詠春, 都學左十堂八堂既, 三分鐘熱度既經典

7. 首先公司出現養魚熱潮, and then仲連屋企都養埋

8. 那些年我們一起去的旺角場終於重開了, 望穿秋水, 唔駛再成日入小西灣

9. 荒廢詠春, 加入跑步行列, 呢排真係跑得疏左好多, 2012年要密番D

10. 咁大個女終於睇一次The Phantom of the Opera

11. 咁大個女第一次敏感, 懷疑係年尾BBQ/冬至食左大量海產引起

~~~~~~~~~~~~~~~~~~~~~~~~~
未睇番自己寫D日記前, 都唔係好知2011年自己做左D乜咁,
原來都算係吃喝玩樂既一年喎, 好多旅行啦, 好多演唱會, 有新興趣, 新運動等等.
享受人生都係一件好事黎既, 尤其都唔知2012年會唔會世界末日, 係咪?
踏入龍年, 希望自己同身邊既人都可以龍精虎猛, 開開心心.
~~~~~~~~~~~~~~~~~~~~~~~~~

2012年1月5日星期四

上回講到, 表哥會俾1月2號既飛俾我睇, 咁我就約埋Emily準備睇第三次.
到左當日, o係火車站會合姑丈同君君(我表侄)一齊入場,
到我地入左場之後搵位坐, 突然間君君話: 張飛係尋日架喎.
WHAT? 我望真D, 真係1月1號架喎!!!
打俾表哥, 原來幫佢整飛o個個人mix up左兩套飛.....
咁點算呢? 入就竟然俾我地入到場喇, 咁就是但搵個位坐, 博係吉位.
我地已經熄晒燈先由廁所出黎, 坐左o係吉位, 一路都安全,
點知到城城唱左半首以歌會舞, 就有人黎坐我地個位,
理所當然地被要求check飛, 就係咁燒焦, 俾人送左出門口....
唉, o個個moment真係想死, 首以歌會舞就一直纏繞左我24小時.
事件發生之後, 表哥為表歉意, 就promise死都會死兩張尾場既飛俾我.
(之前都講過應該會有, 不過唔係100%肯定)
~~~~~~~~~~~~~~~~~~~~
1月3日, 17場演唱會既尾場, 我真係我到11行靚位飛喎, 對舞台中間.
我同Emily一坐低已經hyper左啦, 近到咁喎....

尾場果然係尾場, 氣氛好快已經被推上高峰, 好多人已經企晒起身.
本來都想專心睇show, 不過佢行到咁近, 又忍唔住唔影相喎,

一路都勁high, 唱慢歌亦都感人(仍然係佢自己作o個首真係爭D.... 算啦都係一份誠意)
到左好有氣勢既鐵幕誘惑, 有一Part係D台板升到好高,
佢地o係上面又行又跳(睇幾場都係覺得心驚驚),

ending時城城行番去中間升降台, 準備落番去換衫兼舞台再變身.
呢個時候, 我見到城城突然間以free fall既速度向下跌!!
台上面一個原來擺晒pose既dancer都行左過去望落去, 即係證明堅係出左事!!
我坐o個個位係見唔到城城跌得有幾深, 同埋有冇受傷,
所以只係企o係度擘大個口, 我見到另一邊台既觀眾都議論紛紛....
呢個時間, D dancer照正常咁退番落台底, 正常黎講個舞台應該係開始變身,
點知個台完全冇郁, 仲突然間停左音樂, 燈光全部野停晒喎,
好似發生左突發事, 要腰斬咁, 又冇人講話城城有冇事,
D觀眾超驚, 大嗌Aaron Aaron....
隔左一分鐘到啦, 開番D舞台燈, 個台都開始變成彈床個台,
不過中間個升降台好明顯short左, 唔上唔落.
當大家見到佢平安冇事咁行番上台, 都鬆一口氣.....
由於個台嚴格黎講只係變左一半身, 中間個台冇左, 得番個窿,
所以佢都要執生, 改左少少表演.

不過好明顯睇佢表情係呆呆地, 失左神咁, 有D位都失少少手, 打空翻又爭D標落台,
心血少D真係俾佢嚇Q死!!! 唔心息既佢o係臨完場都要跳多次, 就俾佢成功左喇.

可能真係出左事故既關係, 大家expect既encore冇出現, 不過都已經12點.
睇左三次既演唱會竟然一D都唔厭!
估唔到我明明已經唔係愛得咁緊要, 都會鍾意個show鍾意得咁緊要.
絕大部份人既comment都同我一樣激讚, 當然都有D係踩既,
只不過你會唔會踩張學友跳舞唔勁? 會唔會話阿Rain唱歌唔好聽?
會唔會話因為劉華十年如一日既手指指拍大脾式台風, 話佢冇實力?
做咩事要雞蛋裡挑骨頭, 而唔用一個欣賞既角度去感受佢既誠意?
人地擺咁多心機, 搵命博去做場咁精彩既表演你睇,
唔可以咁唔公平架嘛, 你o係香港搵唔搵到第二個唱跳歌手唱Live唔喘氣?
我係小豬Fans都係咁話, 小豬都係可以唔喘, 不過佢的確有D chorus位係冇唱既,
而郭富城堅係句句唱晒, 呢個位佢真係贏!
總結, 呢個係一個more than expected既performance, 歌,舞, 台,燈,既完美結合!
莫講話我睇左三次, 如果o係香港再開, 第四次我都會入場睇.
~~~~~~~~~~~~~~~~~~~~

2012年1月2日星期一

郭富城舞臨盛宴世界巡迴演唱會2011/12香港站

由小學五年班開始鍾意郭富城, 由狂野之城一路到聽風的歌既CD係齊晒,
不過唔知點解, 一去到愛的呼喚, 就突然間冇左狂愛既感覺.
話就話都算係粉絲, 不過一路以來都未睇過佢既演唱會,
直到今次舞臨盛宴, 身邊個個人都激讚, 搞到我都心癢癢....
估唔到開左show都仲有飛賣喎, 所以邀約左vivi同我去睇1月1日,
孤鬼寒既我當然只係買$380啦, 又唔係小豬....
~~~~~~~~~~~~~~~~~~
呢個世界真係有估你唔到既事, 家祺表哥居然俾左兩張$680既飛我喎!!!
嘩真係開心到不得了啦, 見媽媽都冇乜睇呢類型既演唱會, 就決定同媽媽睇.
12月29日星期四, 就同媽媽入場睇我人生中第一場郭富城concert.
嘩個位都真係幾前, 不過好衰唔衰係o係隊band個corncer,
所以有D去corner位既表演都冇埋黎, 仲要冇左握手位... 蝕左添.
講番場show先, 完完全全展現舞台王者既感覺!!
成日都覺得, 一個跳唱歌手唔一定要係跳得最有power, 但係要識配合首歌同個台,
小豬做得好好, 郭富城都做得好好, 而郭富城呢個concert優勝既地方係幕後既人,
首先個四面變形金剛舞台真係amazing, 加埋燈光就更加marvelous.
呢個整體配合得淋漓盡致, 唯一少少缺憾係覺得轉場既時間太多太長, 有時會cool down左.
anyway, 舞林盛宴係一個用眼睇既演唱會, 視覺效果一流,
相信唔會有人expect Aaron係靚聲王, at least佢跳住唱都夠氣已經唔簡單.