今次主要係去爸媽strongly recommended既肇慶星湖明珠酒店.
三日兩夜既行程, 第一日上左廣州電視塔(小蠻腰),
上次同同事們既廣州遊都有去呢度, 不過就冇上去108樓觀景層.
今次上到去, 一度猶豫好唔好踏出去玻璃地板....
踏出左半步, 即刻覺得好腳軟想閃, 不過老豆猛拉我出去,
最後完全冇望地下既情況下出去影左張相, 返黎之後Feel到自己出汗...
至於重點既星湖明珠酒店, 個view係幾好既, 對住七星岩好大個湖景,
而間房亦都好大, 最浮誇係個廁所囉:
晚o係個旋轉餐廳食自助餐, 據聞以前的確係好掂,
不過宜家可以話係unacceptable!! 行一圈幾乎吉碟返埋位....
唉, 算啦, 當係欣賞下出面既風景都OK既
當晚最佳節目就係歐洲國家盃決賽, 兩隊愛隊西班牙同意大利對決.
由於宜家既最愛係大衛施華, 所以我係支持西班牙的.
場波完全係攻防戰, 一向俾人話齋猜唔射既西班牙竟然一開波就黎料,
以水銀瀉地既攻勢KO左意大利, 施華仲要係入波功臣!!! 愛死佢喇!!!
最後西班牙打破宿命, 成為第一支成功衛冕歐洲國家盃既球隊,
仲要四年內連贏歐洲國家盃>世界盃>歐洲國家盃, 只可以話係無敵!
~~~~~~~~~~~~~~~~~~~~~~~~~~~~~~
返黎香港一個星期, 又話要去旅行....
原因係今年係阿爸60歲大壽, 佢話年年生日都去旅行, 今年都想喎.
既然係咁, 我又拎到假, 就好啦去啦.
今次去御臨門溫泉度假村.
環境都幾靚既, 因為酒店遠離city都幾遠, 個天好清, 有D脫離煩囂既感覺.
酒店房露台對住個荷花池, 可惜冇得番荷葉, 冇乜荷花.
夜晚o係酒店浸溫泉, 冇乜光害既情況下睇到好多星星, 不過當時相機擺左o係房, 冇影到.
呢一點係最吸引既地方 (所謂溫泉咪又係熱水池.....)
第二晚住既酒店叫做華爾登酒店, 房間向東, 所以的起心肝要起身睇日出!!
好可惜雲層好厚, 效果唔太好:
~~~~~~~~~~~~~~~~~~~~~~~~~~~~~~
1 則留言:
China Travel Queen
發佈留言