三月我又做左D好瘋狂既事, 就係睇左三場郭富城舞臨盛宴(安哥篇)演唱會.
個Rundown其實都七八成似上年, 所以基本上我可以話自己係睇左六場.
今次第一場$480飛位(唔駛錢), 特登唔帶相機入場, 就係想專心咁睇一次,
(因為知道自己黎緊仲有得入場就梗係咁講啦....)
之後o個場$480都係唔駛錢, 坐山腰, 不過就可以好清楚咁睇晒個舞台.
本身表哥話完場後有機會帶我入後台架,
等我仲摷番最舊o個隻郭富城CD出黎, 準備俾佢簽名,
好可惜最後都入唔到..... 不過就發現我第一隻買既郭富城CD係1992年.... (21年前!)
到我最後一場, 就係自己荷包俾錢既$680,
個位真係靚到痴線, o係正轉角位小舞台,
明知道佢會過黎握手同跳舞, 真係未開show先興奮!
以我咁熟Rundown, 好清楚幾時係握手位, 所以好快搶到有利位置,
果然, 真係, 俾我, 握到, 郭富城隻手呀!!!!!!
之後Classic dance部份, 佢行過黎跳我超Like既著迷,
o係我面前幾尺距離跳舞, 仲要冇遮冇擋, 真係不得了呀!
由於真係太近既關係, 影D相都好靚, 10級滿足!
~~~~~~~~~~~~~~~~~~~~~~~
1 則留言:
好癲!
發佈留言