3DNA追夢 + 西九日落

懶到死的我好耐冇寫blog...
上星期五去左睇五月天「3DNA追夢」電影, 入場前其實都唔太知套戲講乜,
不過話晒都係粉絲, 又講到係首個3D演唱會, 都要入場支持下既.
我同carol都夜放工, 搞到好晏先去到太古城食飯,
我地四個(仲有vivi同陳慧敏)用左十分鐘時間食晒個main course就入場.
成套戲主要係3D演唱會片段, 同埋間場有三個感人小故事.
其實都ok好睇, 3D效果係我睇咁多3D戲入面最好既,
不過由於入場前冇去toilet既關係, 到中段開始我就好想佢快D完場.... 哈哈.
如果係五月天既粉絲的確係值得一睇既, 否則應該會覺得悶.
~~~~~~~~~~~~~~~~~~~~~~~
星期六約左Joyce去西九龍海濱長廊睇日落 (咁浪漫既事如果有男朋友去睇就好),
一直以來都想好好咁睇一次日落, 不過從來都冇做過.
今次的起心肝帶晒相機同腳架去, 雖然唔係話影得好靚(因為冇長鏡), 不過都睇得好開心.
後遺症就係對眼好累好累(因為望住個太陽太耐), 同埋出左身汗.

睇完日落, 影左輪相就去食飯,
一向與凡夫俗子唔同既Joyce都開始向世俗低頭....
幾自我既人, 有朝一日都要尋求接納同埋認同,
我自問一早已經向左現實低頭, 只要堅守自己既底線,其實界線都係自己劃黎規限自己!
既然佢都明白, 就希望佢呢D「犧牲」係有價值既!!!
~~~~~~~~~~~~~~~~~~~~~~~~

爸媽結婚三十週年

2011年9月3日, 係爸媽結婚三十週年紀念,
做女既我, 就係送一個台灣trip俾佢地, 不過要10月先出發.
而正日當日, 就陪佢地去一個短trip, 就係跟美食之旅去江門2日1夜.
其實我本身真係零興趣, 不過知佢地好鍾意我同佢地一齊去旅行, 所以順佢地意啦.
成何trip, 最開心最like都係呢堆熊貓, 真係何其浩瀚!!

~~~~~~~~~~~~~~~~~~~~~~~~~~
本地甲組聯賽上星期開左鑼, 今個星期輪到我有興趣既球隊比賽喇,
「深水埗 vs 公民」同埋「南華 vs 屯門」二揀一,
本身想睇公民既, 不過話說尋日阿俊(屯門教練)打黎話幫我開張會員證for我睇波拎飛,
佢一番好意仲主動幫我搞晒D野, 邊好意思唔去?
加上開季之前已經叫我要多D入場支持佢隊波, 好啦今個星期睇屯門, 下次先睇公民啦.
我諗邊個都估唔到呢支升班馬會贏到班霸南華, 完場o個時佢地好似已經贏左冠軍咁.
我一路都冇為意張會員證係點, 返到屋企先發現係靚number黎喎,
(我一次話叫佢開左4張, 得我呢張係唔連number架)

~~~~~~~~~~~~~~~~~~~~~~~~~~~

獨坐婚姻介紹所 - Good Show!

頭先去左睇我期待左好耐既舞台劇 - 獨坐婚姻介紹所.

我承認完全係因為鄧健泓既先會買飛睇, 不過事實證明, 係超值.


















故事大剛係講三個男人被困o係一個婚姻介紹所,
而鄧健泓係飾演一個沉迷一樓一既IT人.
第一次睇鄧健泓做舞台劇, 估唔到佢真係做得好好,
成段戲既情緒起伏好大, 由囂張到賤格到發癲到自疚, 一個人做晒.
希望多D人留意佢真係一個好勤力, 有實力既藝人.
另一方面, 廖啟智同鄧智堅as expected好戲, 搞到我有衝動想睇多一場呀!
睇完show咁開心, 當然要o係微博盛讚一番啦,
估唔到鄧健泓覆我, 當堂o係屋企喪笑, 開心到痴Q左線!

~~~~~~~~~~~~~~~~~~~~~~~~~~~~~~~~~~
睇show期間, 收到個SMS, 我想講, 你真係好多舊魚!!!

~~~~~~~~~~~~~~~~~~~~~~~~~~~~~~~~~~