十二月 - 開心月

最喜歡既十二月終於都黎到喇,
一如往年, 生日前後都會選擇放假.
生日前兩日同屋企人去左澳門, 都唔知幾多年冇o係澳門過夜喇.
今次book左Holiday Inn, 貪佢四星得黎地點方便!
冇行程冇準備, 一心諗住閒逛, 主要就去左大龍鳳酒樓, 大三巴大炮台, 同埋各大賭場.
最開心係o係大炮台影左好靚既日落呀!!

而今次o係賭場又再有斬獲, o係三個賭場都有贏錢, 唔通近生日真係旺D既?

~~~~~~~~~~~~~~~~~~~~~~~~~~
去完澳門, 返黎繼續係放假, 亦都過左人生最後一個二字頭既生日喇,
我好傳統架, 一定要食生日蛋糕架, 哈哈!!

~~~~~~~~~~~~~~~~~~~~~~~~~~
講左五年, 終於可以再去Patch屋企燒野食喇,
唔知點解今次好似好快就上到去咁, 明明印象中係要行得好累架....
一去到又俾個無敵海景吸引住.

今次Compass Team一行十人出席, 最可惜Benny同Carol黎唔到啦,
不過Martin同Patch個仔真係超得意, 尤其係Patch個仔真係天生一個喜劇演員!!
我地燒到六點零鐘就走喇, 好開心好飽呀!!
~~~~~~~~~~~~~~~~~~~~~~~~~~~
十二月除左係聖誕同生日月之外, 另一個重點就係加人工同埋派bonus.
由於知道份appraisal麻麻地, 所以冇乜期望.
點知出到黎個結果又比預期中好喎, 可能BC眼中我都唔係咁不濟o者.
今次要加油, 目標下年升職!!!
~~~~~~~~~~~~~~~~~~~~~~~~~~~
記得自己講過, 好多野任你點堅持, 結果都唔係如你所想,
呢一刻既對與錯, 係咪等如閉幕一刻既對與錯?
宜家我只係想順住自己感覺走, 其他人其他野我唔想理.
~~~~~~~~~~~~~~~~~~~~~~~~~~~