黎緊工作上會有D轉變, 雖然知道應該會更辛苦,
不過我覺得會係好事, 做野辛苦都好過對住D完全work唔到既人.
要好好把握呢個機會, 加油!!!!
~~~~~~~~~~~~~~~~~~~~~~
屋企最近有新生命誕生呀, 因為D孔雀魚生左BB!
佢地都係由BB養起架咋, 養到佢地長大到再生下一代BB, 真係開心!!
不過有D驚會控制唔到人口(係魚口)既增長.... 哈哈.
~~~~~~~~~~~~~~~~~~~~~~
仲有三日就可以睇五月天既演唱會,
見到D friend一個二個都post佢地登船, 真係搞到我好辛苦....
唯有日頭煲歌, 夜晚煲碟黎頂一頂癮先.
有時覺得五月天就好似一個宗教咁,
有無敵既號召力之餘, 仲可以一舉手一投足一句說詞就可以牽動人地既情緒.
然後有好多自己寫既歌, 幫到唔知幾多人變熱血熱positive!
o係一個咁多正能樣既環境, 真係需要呢D正能量調節下.
~~~~~~~~~~~~~~~~~~~~~~~
沒有留言:
發佈留言