隻船正在泊埋基隆港了.
今次遊台北我係完全兩手Fing Fing, 咩都冇準備, 因為太有信心了!
落左船就搭台鐵去十分, 因為媽咪佢地最期待呢條十分老街, 同埋行下火車軌,
雖然冇乜太陽, 不過都尚算好天, 以十分既天氣黎講已經好俾面了.
o係十分買左兩張木製Postcard, 一張寄俾Joyce, 一張寄番屋企,
去咁多次旅行, 都係第一次做呢個動作, 都幾有意思^_^
之後就去左平溪, 行下食下野咁,
經過一間食店都幾full, 不過我見到佢D肉燥飯好似好正咁,
就不顧一切都要入去食.
果然冇令我失望, 自隊一碗真係冇難度!!!!
冇食肉燥飯又點算返過台灣呀?!
填飽個肚, 就去埋菁桐.
就繼續行下影下相, 之後就搭台鐵去瑞芳.
去到瑞芳搵到個小型既夜市, 個形式有D似士林, 都係室內的,
入到去第一檔就見到胡椒餅, 好似好巴閉咁, 要攞籌先有得買喎,
咁我地見有時間咪攞囉, 兜個圈返黎先食,
點知..... 好睇唔好食, 入面D牛肉太大舊, 肉汁係多不過燙口得滯, 食到尾都會辣親.
總之同上次o係淡水食既差十倍!
最慘既係, 我地一路行一路食時, 有隻小唐狗應該係餓得滯,
追我地成條街又撲又噬 (堅係噬)..... 嚇Q死呀!!!!
之後我地離開瑞芳, 搭台鐵返去基隆,
路在口邊, 好快搵到廟口夜市.
黎到呢度, 有一樣野我一定一定要食既, 就係花生泡泡冰!!!
想當年, 應該五六年前同Linus黎, 呢檔既泡泡冰一試難忘!!
(食左一截先記得影相, 原先係好大杯架)
食飽飽, 就差不多七點幾, 夠鐘返上船 lu,
呢張係甲板上影番去基隆既夜景, 都幾靚呀.
休息一陣, 睇番今日既Today, 原來有教人整Party clothes,
咁我地就去八下啦, 有crew問我地有冇興趣著住參加carnival,
我本身唔肯架, 不過寶姨唔知做咩好有興趣喎....
就係咁, 我地就報左名夜晚參加巡遊......
Carnival之後有D時間, 於是我地又去睇Musical表演了, 晚晚都唔同的.
睇完show, 我地好乖咁去番搵D crew, 自動獻身參加Parade...
Parade本來都幾好玩既, 不過之後呢..... 俾人迫我地跳舞!
足足跳左一粒鐘呀!!! D crew係圍住我地班人, 冇得閃,
仲要見到邊個 hea跳, 就會黎捉你勁跳一Part...
卒之搞到十二點, 真係搞到出身汗, 估唔到郵輪假期會有咁體力勞動既一Part.
拖住疲累既身軀返房休息,
因為聽朝一早就去台中喇.
~~~~~~~~~~~~~~~~~~~~~~~~~~~
沒有留言:
發佈留言