捐血遇奇人

呢幾日都被負能量圍繞住, 所以決定襯Red Day早放, 做D好事: 捐血!

本身有D想去剪頭駛, 不過如果miss左尋日(red cross o係太古坊擺檔), 又唔知幾時先會捐,

所以都係捐血啦!!!

四點半落到去登記, 點知要六點先到我,

我打電話返公司俾carol, 問佢地想唔想食tea, 我買上去,

大家都想試下新開既"歇腳亭", 點知..... 呢間野好唔掂....

出單又亂又錯又慢, 又唔係話好好飲, 以後都係幫襯番貢茶算.

返番上office飲下野吹下水到六點先落番去,

捐血過程冇乜特別, 不過有一個奇人, 係一個恤衫西褲好正常既男人,

佢捐完之後食餅足足食左8-10包, 利賓納起碼3-4杯.... 有冇咁餓呀???

~~~~~~~~~~~~~~~~~~~~~

有時覺得, 我好似呢世人都會俾呢件事纏擾住.....

我好努力咁想擺脫, 不過終點離我越來越遠.

我做左D乜野, 係我既選擇(又或者話係我地既選擇),

不過呢D係屬於你同我之間既事, 我冇expect第三者知道,

at least我冇being informed有機會俾第三者知道,

我好失望, 失望係因為你連最基本既保護都冇為我做到.

~~~~~~~~~~~~~~~~~~~~~~

哀悼

尋日8月23日, 康泰旅行團於菲律賓被槍手挾持, 最後九死六傷.

睇住菲律賓so-called特種部隊去"救"人, 真係咩粗口都爆晒出黎,

佢地冇組織冇部署貪生怕死既行動, 根本就係將全車人推向死亡.

亂槍掃射既場面歷歷在目, 再加埋一具一具抬出黎既屍體, 生還者既傷痛無助,

都令到我地全部人都好心酸, 好憤怒!!

被挾持係冇人預計得到, 不過係明明可以唔駛死咁多人.....

呢個國家視人命如草芥, 整個行動都係為左掩飾真相, 真係不X知所謂!!!

8月23日, 全香港人都悲憤不已既一日...

~~~~~~~~~~~~~~~~~~

PK@Taikoo Place

呢個八月.... 忙到嘔, 一眨眼已經廿一號喇...

岩岩過左既星期四, 返工落大雨, 超勁大雨好似成個天要塌落黎咁,

落左巴士之後就即刻捐入去cambridge度經太古坊返OIE啦, 唔駛淋雨丫嘛....

不過就係因為咁, 我行到去PCCW o個度就跣低左,

周圍D人多到爆, 幾驚俾人踩到, 好彩有人黎扶我,

不過因為太痛既關係我要等一等先起到身.

唉, 右腳扭親少少(未至於拗柴, 不過痛囉), 左腳跪低時撞到膝頭, 其實都冇咩大礙.

雖然係P左K, 不過我都覺得已經好好彩架喇,

因為我o係室內PK, 唔係室外, 否則一定全身濕晒又勁烏糟,

同埋好好彩冇拗柴, 跌低時又冇甩鞋冇飛袋飛遮, 咁岩套衫又唔易走光...

大家話我係唔係好positive先?

同一日, o係公司做到頭昏腦脹, 一路都好頭痛, 到放工發覺有D發燒添,

不過因為太累既關係, 冇睇醫生就返屋企, 又好好彩第二日又冇乜事喇喎.

年紀大左, 真係易病左好多.

~~~~~~~~~~~~~~~~~~~~~

星期五, 超打黎叫我幫佢check個email, 問我知唔知password喎,

我話唔知喎, 我點會知, 佢講到好似我好應該知咁,

anyway幫佢check左, 我都唔明點解password呢D野可以咁易俾人....

~~~~~~~~~~~~~~~~~~~~~

下一季既甲組賽程出左喇, 上半季流浪好多比賽都係主場,

真係唔多like去D山卡拉新界球場, 好好好掛住旺角場呀!!!!

~~~~~~~~~~~~~~~~~~~~~~

From Frustrated to Depressed

原來我咁多日冇打日記喇....

呢個幾星期, 身邊既焦點都係iPhone 4, 我十級想買, 不過我要白色, 我會堅持!!!

年尾之嘛, 我好等得架, 到時出左bonus先買仲justified啦係咪先?

~~~~~~~~~~~~~~~~~~~~~~~

當終點離我越來越遠, 我既付出又永遠都係向相反方向而行,

我驚我會由frustrated變成depressed....

呢兩年來發生o係我身上既事, 到宜家我現正做緊既野,

我都好清楚知道係我揀既, 後果亦都係我自負,

雖然我冇做錯事冇傷害人, 不過為左要避開閒言閒語,

(都知避唔晒架喇, 不過最critical o個D唔好俾人講就算喇)

好多時都唔能夠搵人傾訴, 亦都唔想要同任何人交代.

我諗起關淑怡既"關於我":

道歉吧　認錯吧　後悔吧　自責吧
誰是我　共你真的有關嗎
聽你講得那麼差　你覺得真的有份嗎　聽著吧

做決定　是我吧　負責任　是你嗎
嚴重嗎　人家不會有影響吧
何必跟我說這種話
好比拉上了窗紗　但外面還在說話　冷靜吧

風光關於我　滄桑都關於我
好不好都只是我
興衰都關於我　悲喜都關於我
你去做你　我做我的我
需要你代付賬麼　一切美麗壞結果　我負荷

滴了淚　冒了汗　亦是我的
濃或淡　不關你的事　一杯水　冷暖自知
不要給你用正義　制限住

做對事　做錯事　做了後　就會知
何用你　誇張到發生前　來給我批注
可惜根據我所知　准你參與沒意義　太礙事

道歉吧　認錯吧　後悔吧　自責吧
其實我　沒有空等你感化　聽清楚

手槍都指我　勛章只頒給我
好不好都只是我
褒貶都關於我　生死都關於我
你有沒有　氣力去幫我
所有快樂或痛楚　觀眾會代負責麼　想清楚

~~~~~~~~~~~~~~~~~~~~~~~

唔好當我傻

我睇你呢個大話講到幾時, 你點處理佢係你既決定,

我都冇話你D乜野, 做咩要講大話o者? 唔好當我傻既先得架!!

~~~~~~~~~~~~~~~~