睇雞仔!

一路都好想去睇雞仔比賽(踢緊乙組既港迪), 不過D賽期次次都撞左甲組流浪....

終於今日冇撞喇, 所以好神心咁走左去高士威睇港迪vs南區.

離遠已經見到熟悉既身影, 十級興奮呀!!!

入到去搵個位坐低, 當時開左波五分鐘左右,

咁岩雞仔踢左翼係o係正我前面, 勁近喎, 我就舉機喪影喪影.

大約廿分鐘到啦, 雞仔入波呀, 真係型到爆燈,

之後佢都有好多下後踭呀, 扭幾個呀, 搓波搓到對手頭拎拎既表演....

雞仔雖然係圓碌碌左少少, 不過踢波依然係咁瀟灑!!!

我今日真係好開心, 好滿足, 我愛雞仔呀!!!!

~~~~~~~~~~~~~~~~~~~~~~~