轉行補鞋

一路都俾阿媽哦左好耐, 就係叫我執下間房D衫同鞋,

因為實在係太多太亂喇, 個櫃都塞唔到所以放到周圍都係....

由於最近買左好多衫, 而今日又o係淘寶買左四對鞋既關係,

擔心返到黎真係冇位擺, 所以的起心肝, 丟野!!

浩大既工程, 就係由搬晒所有o係大櫃, 櫃桶, 檯面既衫出黎,

逐件揚開睇睇, 要定唔要, 如果要既就摺番靚靚咁分類.

執呀執, 摺呀摺, 丟呀丟.... 終於丟左幾十件衫,

而要keep既衫呢, 就分好晒背心啦, 外套啦, 返工衫啦, casual衫啦, 常著&唔常著,

一一都"file"好晒, 大功告成.

至於鞋方面, 就丟左十幾對唔著既鞋, 唔駛擺到一地都係.

執執下鞋既時候, 見到有D鞋個鞋爭蝕左, 暫時著唔到,

而又見到有D spare鞋爭o係度岩用喎, 咁我就一時手痕, 不如試下自己換呢...

我記得D補鞋伯伯係點做, 就跟住試下啦, 撬下黐下dup下, 真係俾我搞掂左喎!!

好開心呀, 我講笑口up up咁話:「我可以轉行啦!」

跟住我阿爸答左一句:「死囉...」哈哈哈哈哈哈

~~~~~~~~~~~~~~~~~~~~~~

晏晝o係屋企睇銀牌決賽直播, 南華vs傑志,

傑志本來領先二比零, 仲諗住又俾傑志贏,

估佢唔到下半場六十分鐘先輸番四球,

肇麒真係旺到冇野好講, 當然佢的確係把握得好好啦.

我呢D局外人其實都冇咩感覺, 真係好想搵番對睇波既熱情.

~~~~~~~~~~~~~~~~~~~~~~~