大年初二之cutie頭

今日大年初二, 一早去左車公廟上香轉風車, 希望新一年可以事事順利啦.

拜完車公就入三舅父屋企拜年, 間屋塞左17個人, 好熱鬧 (已經係唔齊人啦)

今年居然冇開魚蝦蟹, 改左運益智遊戲喎, 哈哈.

期間加插左三舅母教set頭, 我啦, 媽咪, 姨媽, 寶姨, queenie都俾舅母做model,

佢地D頭set得勁靚呀(除左我媽咪啦, 佢頭髮短到冇野可以搞, 只係gel靚左...),

我就要求舅母教我set一個我返工都可以自己整到既頭,

舅母果然教左我一個好簡單, 幾分鐘就搞得掂既頭 (當然要自己試多幾次先得心應手):

係唔係ok先? 舅母不斷強調呢個頭係青春, 講到連我自己都覺得自己cute左, 哈哈.

~~~~~~~~~~~~~~~~~~~~~