高雄/台南(第二日)

前一晚三點幾先上床訓, 第二日當然要訓晏D啦,
十點幾起身, 去左三多商圈行下, 我地去左一間環境唔錯既cafe坐下.
一杯mocha都係十幾蚊港紙.

飲完咖啡取暖, 就去左大遠百百貸公司既誠品,
本人由於冇乜文化既關係, 冇買到書, 不過閒逛下揭下書都OK既.
~~~~~~~~~~~~~~~~~~
之後我地就去左駁二藝術區, 主要係想睇「演唱會之王」幕後主腦公開展.
o個區叫得做藝術區, 就敕係唔止一個展覽啦,

我地仲睇左一個有關高雄工業/工人既展覽, 入面有好多工人既雕塑, 都幾得意.

我地去到「演唱會之王」幕後主腦公開展, 見到好多人排晒隊咁,
買飛先發現帶埋演唱會飛可以換名片牌呀! 冇帶到出黎黎囉.... 蝕晒!!!
我地買既飛係for 5:30pm入場既, 當時只係三點幾咋喎,
又見都冇乜野做, 都係排住隊先啦, 結果四點零都入到場.
(等入場期間, 不停咁影下D backdrop呀咁, 仲有熊貓頭出黎俾人合照添)

場館入面D展品都幾有趣, 主要係講五月天DNA演唱會既籌備過程,
同埋舞台/服裝設計, 燈光音響效果都可以俾我地試玩,
仲可以自己試下升降舞台添!

睇完展覽, 陳慧敏叫我地幫佢買souvenir, 所以我地自己都睇左一輪,
估唔到我居然敗左o係套figure手上... 只能說我輸了.... (大愛 ^_^ )

~~~~~~~~~~~~~~~~~~~~~~
之後我地見到一個Lego展, 講到好勁咁話被CNN評為十大必睇展覽.
入面係一D好detail得黎好大型既Lego, 表達D好似好深既野....
講真我覺得有D悶, 不過都好佩服佢可以砌到D咁複雜既作品出黎.

好似上圖呢隻恐龍, 原來係用左八萬幾粒Lego砌成,
仲要用左一個夏天先完成, 呢D咁藝術既野, 我都係唔明架喇.
~~~~~~~~~~~~~~~~~~~~~~~
睇完Lego展, 見到一堆爛銅爛鐵, 原來係一個叫「全民大戀鋼」既創作營,
係D人利用鋼材去做藝術品.

~~~~~~~~~~~~~~~~~~~~~~~
睇完展覽都已經天黑了, 原來我地處於一個叫做西子灣既地方,
仲有一個好特別既名: 哈瑪星!

返酒店之前, 我地去左傳說中好靚既美麗島.
呢個捷運站入面有一個地方叫做穹頂大廳, 天花板上面有D好色彩繽紛畫,
大致都係同天, 地, 人, 五行有關既東西:

站入面都好多人o係度影相, 的確係幾靚既.
~~~~~~~~~~~~~~~~~~~~~~~~
我地之後仲去左一個叫做夢時代既Mall,
搵間餐廳坐低食野, 一人叫左一set火鍋, 好大份好豐富呀!

呢個Mall既天台係一個遊樂場, 有一個好大既Sanrio摩天輪同埋旋轉木馬:

最好笑既係有一個攤位叫做「打爆我的牙」, 笑左我好耐
另外仲有D好低能既入錢遊戲, 我地冇俾錢仲騎上去影相, 真係好低能呀!~!

臨離開夢時代, Vivi帶我去左春水堂飲珍珠奶茶,
據聞係珍珠奶茶始創既舖頭 (間間都係咁講架啦), 不過飲落又真係好好味喎,
D珍珠煙Un得黎唔會痴埋一堆, 要俾個Good呢杯奶茶!
~~~~~~~~~~~~~~~~~~~~~~~~~
飲飽食醉, 帶住疲倦既身軀返酒店,
不過返去之前要去六合夜市, 幫寶姨買烏魚子同埋烏魚腱,
呢D其貌不揚既野都唔平, 三舊水港先得兩盒仔, 果然係高價野.
今晚我地既酒店房同第一晚唔同
(因為第一晚係through旅行社book, 第二晚係Vivi上網book既)
雖然都係華園飯店, 不過呢間比尋日o個間好好多,
起埋冇咁殘, 有wifi, 不過Shower都係漏水囉, 一地濕晒!!!
~~~~~~~~~~~~~~~~~~~~~~~~~~

五月天諾亞方舟航空母艦版(明日重生版)演唱會

一直都覺得去外地睇演唱會係一件好瘋狂既事,
估唔到我自己都有機會一試!
十二月既演唱會, 由八月開始已經準備,
陳慧敏話俾我地知華航有得book演唱會package, 即晚漏夜就send booking,
過幾日知道booking confirmed, 真係開心到跳起呀, 因為如果從正常渠道一定冇可能買到飛.
~~~~~~~~~~~~~~~~~~~~~~
12月21日, 世界末日並冇黎到, 照舊返工, 公司Xmas Party(抽到 iPad4大獎!), 做冬, etc.
12月22日, 高雄之旅開始喇, 五月天 I'm coming!!!!
~~~~~~~~~~~~~~~~~~~~~~
到達高雄機場, 搭捷運好快就去到位於「市議會」站既華園飯店.
放低行李我地就去左「三多商圈」食少少野, 再去KTV.
一直都好想試下去台灣既KTV, 因為應該D歌會齊好多嘛.
我地去呢間KTV叫做Holiday, 都幾up dup... 仲要係用有線既咪!
算啦, 硬件都唔係最重要, 最緊要係D歌.
不出所料, 真係好齊, 五月天有111首, 小豬都有77首.

~~~~~~~~~~~~~~~~~~~~~~~
唱完K, 就出發去演唱會場地 - 高雄世運館.
去到捷運既「世運館」站, 已經感受到個人潮,
遙望個場館都見到好大呀....

行去場館沿途都好多小檔擺賣, 賣水賣野食賣螢光棒賣回程車飛都有,
去到門口, 真係估唔到好似個夜市咁熱鬧, 應該有幾十個檔口,

好辛苦咁搵到入去我地座位(洪水猛獸搖滾區)既入口,
個位置都算中間, 唔錯呀, 周圍都係香港人呢 (都係through華航個package買卦).
好快未到八點, 演唱會就開始喇. 幾經辛苦搵到個rundown:

有些事現在不做 一輩子都不會做了
2012
愛情萬歲
叫我第一名
DNA
武裝+抓狂
我不願讓你一個人
倉頡
你不是真正的快樂
心中尚未崩壞的地方
盛夏光年
如煙+如果還有明天
擁抱
 T1213121
第二人生
三個傻瓜
OK啦
軋車+SOLO演奏
離開地球表面
溫柔
OAOA（明日版）
第一天
戀愛ING
有些事現在不做 一輩子都不會做了（完整版）
乾杯
（安可一）
諾亞方舟
人生海海
星空
知足
（安可二）
孫悟空（輪唱版）
突然好想你
無望
憨人+倔強

個rundown據聞係重新編過既, 不過可能我未夠熟, 都唔係好知乜原來係新編,
最新既就係條video搵左言成旭同埋林依晨拍, 不過2個人我都唔太like...
成個concert最impressive係支互動式LED螢光棒.
事前都有問過呢支野究竟有咩咁巴閉, 最多咪就係識轉顏色囉....
點知, 就係咁估佢唔到喎,
變色就的確係變色, 不過唔係由我決定佢幾時變,
而係個舞台控制我地五萬人手上既螢光棒幾時變, 同埋點變.
一開場大家都係正常咁藍色, 到唱愛情萬歲既時候, 全場忽然間由藍海變紅海.

呢下大家都嘩然, 好疑惑點會咁神奇呢?
紅左一陣, 又將大家變番藍色,
and then到唱三個傻瓜, 先至係玩變色既極至!!
照住個tempo係咁轉, 藍白黃紅綠係咁轉, 又齊又靚! 直頭將座位都變成舞台.
之後快歌部份就唔玩齊整, 玩random亂閃, 好colorful好party.

去到Encore部份, 突然好想你同埋I Love You無望,
阿信行左去延伸舞台度, 呢part其實都幾近我地, 我見D人衝過去又冇人攔喎,
咁我梗係又衝埋一入啦, 真係超近距離咁睇佢唱我既愛歌.....

演唱會完場都大約11:30, 我同vivi為左避開人潮, 好快已經箭步走去捷運站,
第一班車就上到, 非常順利咁就返番出去.
我地去左六合夜市醫肚, 當日都成十二點, 依然人頭湧湧,
食完野行番酒店, 沖下涼搞下相, 大家都三點幾先肯上床訓.
~~~~~~~~~~~~~~~~~~~~~~

生日旅行

都幾乎miss左唔記得寫番生日呢篇.
2012年12月13日, 小女子轉左字頭....
之前一路都覺得踏入3字頭係一件好衰既事,
點知到呢一日真係黎到, 其實又冇乜野既, 最緊要係個樣同埋心境係幾多歲.
今年生日都係同屋企人過, 我地去左韶關丹霞山.
第一次坐高鐵, 其實自從追撞事件之後, 對高鐵係零好感...
不過事實又真係快既, 由廣州南站去武漢都係45分鐘,

本身個行程係有D體力勞動既, 因為要行山睇景,
不過好可惜天氣唔好, 周圍都好大霧, 搞到行到去都睇唔到野,
明明係好出名既風景區都只係得番白濛濛一片,

成個Trip都係像霧像雨又像風, 不過出去旅行都係志在relax下,
所以都OK啦, 最緊要一家人都開開心心就得.
~~~~~~~~~~~~~~~~~~~~~~~

黃鴻升夜王G.Host2012巡迴演唱會- 香港站

尋日有匙, esther, PK同我預早做生日, 佢地請我去左Mandarin Oriental食Sunday Brunch.
大概11:30am坐低, 一路食到3:00pm, 飽到個個眼擎擎囉, 哈哈.
首先係香檳, 紅白酒任飲 (對於我地幾個唔多飲酒既, 都係要黎養金魚)
D海鮮超多(生蠔, 長腳蟹, 蝦, 蟹, 咩都有, 魚生又有my favourite油甘魚喎,
熱燻完全冇食過, 另外仲有ham & cheese, 沙律, 甜品多到喊,
D朱古力先係誠意之作, 咩texture都有得你食!!!
最特別係有果仁, 真係好少見呀, D夏威夷果仁呀, 腰果呀, 吸引到不得了,
仲有估唔到, 就係我俾個牛角包攻陷左..... 未食過咁好食既牛角包!!!
可以飽到連雪糕都唔食, 可想而之有幾多野食, 同我地有幾飽啦!
真係超級thank you佢地請我豪食一餐, 好過買禮物啦.
~~~~~~~~~~~~~~~~~~~~~~~~~
期待己久既小鬼演唱會黎到喇,
今次演唱會既主題係夜王, 意思係小鬼長大要登基做夜王.

其實呢個look根本一D都唔襯佢, 明明佢係陽光男孩嘛.
頭先上網搵左一輪, 都搵唔到有人打rundown, 死喇今次我自己都打唔番出黎,
記得幾多寫幾多啦, 一開場就唱快歌- 漩渦, 鬼打牆, 鬼混.

佢本身都唔係好叻跳舞既, 所以冇明顯跳錯已經叫好好,
唱完呢隻歌之後就用廣東話同大家講野喇,

佢問我地:「我條毛(跳舞)勁唔勁呀?」
全場爆笑, 佢又唔知我地笑乜, 自己又o係度傻笑,
and then又問:「我件衫似唔似回贈中心呀?」
呢個真係完全唔知佢講乜, 跟住個台個screen影左會展出黎,
又黎笑爆全場..... 好低能呀佢!!!
估佢唔到竟然會唱五月天既夜訪吸血鬼, iPhone有video, 想睇可以問我 >.*
跟住講下又唱下黑心,搞砸了, 等等既歌,
到一Part係佢初學結他自彈自唱"忘了怎麼快樂",

 開始唱左冇耐彈錯左搞到笑場,

之後都好成功咁彈晒唱晒, 我好明白自彈自唱唔係咁容易架, 所以唔好笑佢.
我想講既係, 佢真係十級可愛!
下一Part最有印象既係唱廣東歌, 佢地真係好like頭髮亂了同埋極速,

講真佢D廣東話嚇死人, 仲衰過小豬, 哈哈哈哈,
完全係搞笑成份居多, 忍唔住拍左Video,
而極速, 佢地o係娛百都成日唱架喇,
今次有一Part仲add lip, 唱完之後, 佢都知我地聽唔到佢唱乜,
自動波再慢慢講多一次, 哈哈哈哈.
high完之後, 佢就回顧初出道到宜家既心路歷程,
大銀幕一路插播D舊相, 好多都好經典呀, 由丸子, 到娛百, 到發片.

佢又特別多謝小豬同娛百, 因為o係佢低潮既時間一手拉番佢上黎,
為左答謝小豬, 佢唱左自我催眠, 仲感動到眼泛淚光.
我諗佢真係搵小豬偷師, 因為個show好多element都似,
除左頭先既播心路歷程, 又有"帶動唱", 唱"謝謝你讓我等於你,"
個感覺好似"敗給你", 都係同歌迷一齊跳舞互動, 不過呢隻舞難左D囉, 我跳到錯晒.
佢教大家跳o個時, 不自覺好似Dancing King上身, 無啦啦爆英文, good good, 哈哈.
跟住有唱六十億分之一, 冇唱錯又冇甩, 勁喎.
又原來, "地球上最浪漫的一首歌", 咁慢都可以跳住唱!

Encore之後, 出黎唱左我最like既"總冠軍", 當然唔少得既係"不屑"啦,

 我相信"不屑"會等於五月天既"憨人"一樣, 成為每次演唱會一定唱既歌.
~~~~~~~~~~~~~~~~~~~~~~~~~~~
講下嘉賓: 林凡(我本身都唔識佢, 原來係唱"犀利人妻"主題曲),
佢同小鬼合唱好心分手, 林凡D廣東話非常正.
仲有神秘嘉賓陳曉東, 神秘在小鬼都唔知佢黎,
係唱唱下"貼心", 陳曉東突然間o係台上面出現....

 最有份量既係任賢齊, 陳慧敏好開心啦, 有意外收穫,
佢地帶全場唱對面的女孩看過來.

(其實有我一個moment估小豬會唔會黎, 不過都知我係發緊夢架喇...)
大約11:30pm完場, 對手係累到爆炸, 又要舉機, 又要fing螢火棒, 完全係體力勞動.

未試過寫一個演唱會寫到咁亂..... 我睇番D相, 都associate唔到佢唱緊咩歌.
原來打歌服真係好重要架!
~~~~~~~~~~~~~~~~~~~~~~~~~~~
睇完個show, 真係更愛小鬼, 點解可以咁可愛架?!?!
可能佢始終都未擺脫到娛百時既小鬼既形象,
總係覺得佢出黎係搞笑, 同埋好鄰家, 好唔完美, 冇距離感.
小豬就唔同, 佢開演唱會同做主持o個時係兩個人,
希望小鬼下一次黎紅館, 一定要買貴飛坐前D!!!
黎緊好快就飛去台灣睇五月天喇, 一月又有小豬, 好瘋狂呀!!!
~~~~~~~~~~~~~~~~~~~~~~~~~~~~