好不容易捱到星期五.... 明明叉足電架嘛, 做咩咁快又要用個「捱」字架....
正能量不斷被侵蝕, 要好用力咁控制自己既情緒,
我唔要再做番放假前, 成日發脾氣既Cherry, o個個唔係我黎架!!
~~~~~~~~~~~~~~~~~~~~
今日本來去Carol屋企house warming既, 不過臨時又有變卦,
最後得番我啦, Vivi同埋Carol去食晚飯, 我地去左太古城既阿詩瑪,
唔知點解今次好似冇上次咁好食咁, 不過都OK既.
終於知道我同Vivi係睇邊場Eason演唱會喇, 係3月30日 , 好開心呀!!
另外, Celia又幫我地訂小豬演唱會既飛, Vivi同Martine都一齊去呢!
期待兩年, 小豬終於再黎香港開concert, 今次仲要係紅館,
最貴飛係$680, 果然係國際級既巨星呀下.... 我買!!!
兩位Partner唔該熟讀小豬既歌呀~
~~~~~~~~~~~~~~~~~~~~~
小豬新碟有隻歌叫做「習慣就好」,
初初覺得呢隻歌普普通通, 好似唔夠「愛不單行」同「生理時鐘」咁搶耳(慢歌方面),
不過聽下聽下, 越來越耐聽, 推介:
沒有留言:
發佈留言