睇波? 唔去呀!

我都話我係因為雞仔踢頭場先會想入場睇波, 你明知架喎,

你要等偉豪到左球場先拎到飛俾你, 你又係明知架喎,

點解你尋晚唔係咁講既? 昆左我去先算呀?

如果一早知道係咁遲先拎到飛既,

我根本唔會話去, 連考慮都唔會, 一切廢話收埋唔該.

好彩我都醒目, 死都唔出門口o者, 如果唔係咪半天吊?

同埋... 我唔鍾意你搵佢黎撻我.... 堅唔鍾意.

~~~~~~~~~~~~~~~~~~~~

晏晝我連電視直播都唔睇, 去左睇"人間喜劇" (有同事送飛俾我)

唔.....真係麻麻.... 大家唔睇都冇損失.... 同尋日套Toy Story真係天同地比.

~~~~~~~~~~~~~~~~~~~~

阿俊入左camp幾日, 今日居然見到佢上MSN,

佢下個星期又要返大陸到月尾先返, 即係半個月都要上堂.

七月阿仙奴足球學校唔駛預佢.

~~~~~~~~~~~~~~~~~~~~~