四日既復活節假期完結了, 呢個黑色既四月我呢世都唔會忘記.
復活節..... 可唔可以叫豪豬復活呀?
到呢一刻, 我依然覺得可能豪豬會突然間走出黎話:
「喂大家搞錯左, 唔好意思呀, o個個唔係我黎架, 痴線咩...」
見到一個二個都懷念豪豬, 一段又一段既昔日片段重溫, 一張又一張既舊照片,
彷彿豪豬仍然o係我地隔離, 佢既笑容佢既聲音都歷歷在目.
呢幾日情緒低落, 大喊已經冇, 不過總係覺得搵唔到一個出口,
可能要到佢出殯o個一日, 去到鞠個躬, 一切先可以有個終結, 先可以迫我自己去接受呢個殘忍既事實.
~~~~~~~~~~~~~~~~~~~~~
如何面對 曾一起走過的日子.....
~~~~~~~~~~~~~~~~~~~~~
沒有留言:
發佈留言