生日旅行 (Day Three 12月13日)

今日係我生日, 第一次唔o係香港過.
第三日既行程, 就係去參觀古芝地道, 呢度係當年越戰時候共軍用人手挖既地道.

我同vivi都有捐入去地道入面參觀, 入面基本上係伸手不見五指(不過有軍人拎住燈照路俾我地),
同埋要半蹲先可以行到, 我地行左40m就上番地面, 唔係話難行, 不過係好熱呀!
我地入地道之前, 導遊千叮萬囑我地o係地道入面唔好影相, 本來都不以為意, 唔影咪唔影之嘛,
點知到我地離開呢個景點時, 導遊先同我地講番點解地道入面唔好影相,
原來話試過好多人影完入之後, 明明係有人既, 不過影完出黎白濛濛一片, 咩都睇唔到, 可能因為死過好多人既關係.
嘩好驚喎.... 如果我入去之前佢咁講, 我諗我唔會敢入去囉.
參觀完古芝地道之後, 午餐係一個勁唔掂既酒店自助餐, 有冇試過行三個圈都揀唔到野食?
不過好奇怪, 明明勁少野食揀, 又唔係好好食, 我地又食到勁飽架喎.
跟住我地就離開胡志明市, 搭三個幾鐘頭車去頭頓.
到埗之後, 個感覺好似海南島....
個酒店都幾殘下, 不過有露台, 斜斜地睇到大海景架,

不過最令我地興奮既, 係呢間Dic Star酒店雖然殘殘的, 不過有free wifi呀!
我地立即勁忙咁上網啦, 好可惜越南同大陸一樣, 係block左facebook的....
不過有得上微博, MSN, 睇新聞都已經好好喇.
稍稍settle down之後, 就食晚餐喇, 晚餐係大頭蝦同埋其他中式菜(你話幾似海南島),

食完就去左隔離一個仲流過Diamond Plaza既department store, 叫做Imperial Plaza.
不過佢好在有supermarket, 好似係我地黎左第三日先第一次見到一個decent既supermarket.
o係supermarket掃左好多咖啡呀, 做手信岩晒啦.
行完Imperial Plaza之後, 就去左一個好流既夜市, 叫做散下步咁.....
我地返到酒店, 當然係不甘寂寞, 所以就去左酒店自己有個露天餐廳, 飲杯野咁啦,

今日既行程就係咁, 好似除左古芝地道之外咩都冇做過咁.
~~~~~~~~~~~~~~~~~~~~~~~