首先講下酒店個早餐, 真係十個得!
Yogurt都有三種, 又有Brie cheese, pan cake, waffle, corn flakes, 粥, 中西式既多款麵包...
想食既野今日都食唔晒, 聽日要早D落去食先得.
食完早餐, 就離開胡志明市去美拖.
有我最like既搭船同埋獨木舟遊覽湄公河, 河邊基本上都係海底椰既樹,
獨木舟就最誇, 一條勁狹窄既小河可以三線行"舟", 迫到爆但係撞下撞下又行到架喎.
遊湄公河其中一部分就係去椰子島, 睇就冇咩野睇, 不過食新鮮生果都幾ok.
另外仲有得飲蜜糖水同埋買新鮮既椰子糖,
(椰子糖明明買o個時係軟身, 導遊仲話一路都會keep住軟身, 除非放入雪櫃,
點知我地岩岩再睇, 已經變番做硬糖囉, 都唔知算唔算係欺騙....)
食完晏, 就去參觀天后廟, 好似呢個世界每一個角落都有天后廟咁.
天后廟as expected都冇咩睇架喇, 之後就去左驚驚地既戰爭博物館.
入面有好多越戰時期既資料同埋相, 最誇係有一個真既連體嬰標本!!! (話說用左化學武器)
個博物館都未係最驚, 最驚係隔離一個仿製監獄.
入面有一大堆酷刑既描述, 圖畫同埋相, 真係睇完都寒寒地,
仲要加埋個像真度極高既胡志明蠟像o係其中一個監房入面, 真係望多眼都唔敢,
壓軸 - 斷頭台...... 無言.
睇完D咁dark既野, 就去左參觀聖母大教堂同埋郵政局, 影左好多相.
我覺得個郵政局好靚, 入面好似歐洲D火車站咁, 我地o係入面買左D手信, 其他地方都唔見有.
之後再去左廢到冇朋友既so-called購物城 - Diamond Plaza, 真係行15分鐘都俾多佢.
再之後就去左睇水上木偶戲, 導遊幫我地安排坐第一行, 的確係睇得好清楚, 不過俾D水潑到囉.
睇完木偶戲就係晚餐, 食順化皇帝餐, 不過我覺得頭三味?都係腸粉D frd, 另外就係荷葉飯同埋蟹肉湯河.
D越南野真係好多芫茜呀.... 好大陣味!!
食飽飽之後, 其他團友去左行夜市, 由於我地尋日已經行左, 所以我地去嘆咖啡,
因為想試多幾隻味, 睇下買咩做手信好, 不過今日我地試呢隻超勁甜....
最後一個景點就係導遊介紹既massage, 不過我地一致認為尋日o個度好D (按腳方面),
不過按身就幾好(用熱既石春碌碌下), 最驚就係o係毫無心理準備之下除我地衫同埋bra囉, 驚一驚呀真係.
按完之後, 仲要唔走, 死等我地俾tips.... 唉是但啦, 又唔係真係話按得唔好既.
今日真係去左好多好多地方, 都幾累.
~~~~~~~~~~~~~~~~~~~~~~~~~~~
號外: vivi買左生日禮物俾我呀, 係一對耳環, 我好似好耐冇新耳環喇, 真係fit晒.
仲有, 尋晚發覺自己唔知左條月亮石手鍊, 好好彩今日o係旅遊車搵番,
失而復得, 真係開心, 證明我同條鍊有緣呀, 哈哈
~~~~~~~~~~~~~~~~~~~~~~~~~~~
沒有留言:
發佈留言