聖誕睇波日

一個沒有你的聖誕節, 好極了!!!!
~~~~~~~~~~~~~~~~~~~~~
24號返工, 收到同事既聖誕禮物真係好surprised....
sharon送左Jill Stuart既閃粉eyeshadow, carol送左bodyshop, 估唔到佢都同我一樣咁like white musk.
仲有patch都送左支監獄兔既筆俾我呀!!
我冇準備到禮物真係有少少唔好意思添.
~~~~~~~~~~~~~~~~~~~~~
聖誕節冇party去, 反而去睇波(銀牌四強), 睇波之前約左慧琳, 牛丸食飯.
book左一間叫做Nice既日式+泰式自助餐, 都ok好食, 百零蚊算OK.
食完飯就上大球場, 頭場公民vs流浪, 兩隊都鍾意真係手心又係肉, 手背又係肉.
不過流浪真係踢得唔好, 公民上半場已經領先兩球, 下半場就直頭係悶!
阿俊打黎問我係唔係睇緊波, 其實佢暗瓦底都好關心隊波既,
又問我去唔去阿仙奴喎, 當時佢自己都未決定過唔過去, 我點答到我去唔去, 徙氣....
尾場南華vs大埔, 由於太唔like大埔既關係, 呢場我支持南華.
睇緊尾場既時候, 頭場公民D球員沖完涼出黎坐左o係我附近睇波吼路,
話說有個球迷撩富仔(黃耀富)講野, 咁個阿叔講完之後, 就自我介紹話: 我姓黃既.
跟住富仔答佢: 我都係姓黃既.
呢個時間, 我同慧琳即時當場爆笑到失控.....
人地球迷就話要自我介紹俾你聽佢姓咩o者,
你做球員既, 係人都知你係黃耀富啦, 駛咩話"我都係姓黃"?
我諗我地笑得太誇張, 公民D球員個個都望晒過黎, 不過唔理得咁多, 因為真係笑到停唔到.
相信呢句野可以當選本年度最爆笑對白.
好喇講番南華場波, 我睇左半場就走左喇, 因為個樣好似想落雨咁, 又凍喎....
我走o個時都係0:0架, 點知返到屋企上網睇, 原來南華贏3:0,
重點係Michael入左兩球咁巴之閉喎... miss左真係激死.
~~~~~~~~~~~~~~~~~~~~
今日o係公司居然撞到個小學同學, 世界真細小呀!!
~~~~~~~~~~~~~~~~~~~~